[أبو غيث]

إليكم هذه القصيده وأتمنى أن تنال رضاكم...

مر الزمان ولابقى غير ذكراه***الله وأكبر يالسنين العجيبه
من يوم نذكر ماضيٍ له ذكرناه***ننساه يوم وذكرياته اتجيبه
عزاه ياحظي من الوقت عزاه***أرجي ليالي مانوت تستجيبه
ياما رجيت الوقت يسمح لي ألقاه**وياما الزمان يرد منوت طليبه
أنوح وأرجي ولاحصل مارجيناه**يبغى الزمان يصون وخانه نصيبه
ناديت بسمه يوم قلبي تعزواه***كل المشاعر بالوصل تنتخيبه
مابين رجعت ناظري وبين فرقاه**أجلس وأهوجس والليالي صعيبه
لاقلت هانت عاند الوقت بتلاه***تجي صواديف الزمن وتغديبه
ولاراح عني ولع الجوف لقصاه**نارٍ بوسط الجوف تصلى لهيبه
سبحان حارم غيره الزين وأعطاه**نكبه بخيالي والطبيعه مصيبه
الزين فيه وكل شئٍ تحلاه***ما فيه من وصفه معيبه اتعيبه
ما يستوي كل الحلا مع حلاياه**العين تذبح والضحيه حبيبه
لو يطعن فبعده غدينا ضحاياه***ولو يقترب صارت اطعونه طبيه
واليوم راح الحب ماعاد شفناه**ضيعت دربه والمسافه قريبه
دربٍ مشيته فاقد اليوم ممشاه***نجم يغيب ونجم صعب أقتديبه
يالله ترد اللي هوانا وهويناه***وترد وقت ظلِمته المغيبه
الله يرده لي على ماتمناه***ويبقى معي طول العمر واهتنيبه

وسلامتكم واعذروني عن القصور..............

الموضوع الأصلي: صواديف الزمن...... | | الكاتب: أبو غيث | | المصدر: شبكة بني عبس

[أمـــير بـكلمتي]

صح لسانك الله يبيض وجهك

[ولد حايل]

ما حصل منك قصوررر
صح لسانك واعتلا شانك
على الرائعه

[هيون]

صح السااااااااااااااااانك
واليوم راح الحب ماعاد شفناه**ضيعت دربه والمسافه قريبه
ياسلام عليك
والله قصيده روعه وجزله
تقبل مروري وبنتظار جديدك

[أبو غيث]

أمير بكلمتي.ولد حايل.هيون.
تسلمون ومشكورين على المرور.

[كاتب الرشيدي]

من يوم نذكر ماضيٍ له ذكرناه***ننساه يوم وذكرياته اتجيبه

الله الله شاعر ومتميز

صح لسانك

[أبو غيث]

كاتب إمتيازك على راسي ووسام على صدري...

تسلم ومشكووووور على المرووووور...........

[السهل الصعب]

الزين فيه وكل شي تحلاه.....مافيه من وصفه معيبه تعيبه
مايستوي كل الحلا مع حلاياه.....العين تذبح والضحيه حبيبه
صح السانك وقصيده جميله