[عناقيد]

يامن يريد اللعب والوقت تجديد=يبحر معي ساعه ونبحر لساعه
الي جلب عنقود والي عناقيد=حنا نكفي عن رجال القناعه

الموضوع الأصلي: قلطة....... | | الكاتب: عناقيد | | المصدر: شبكة بني عبس

[قسورة الغاب]

اقتباس من مشاركة عناقيد يامن يريد اللعب والوقت تجديد=يبحر معي ساعه ونبحر لساعه الي جلب عنقود والي عناقيد=حنا نكفي عن رجال القناعه

يامرحبا ترحيبة الناس بالعيد = ترحيبتن فيها خبال وشجاعه ههههههه
ياصاحبي ظبط لنا مركب الصيد = ورفع ليا هبت هبووبك شراعه

[عناقيد]

الك البقا والعيد يزاد ويزيد=لامن تصادف مع سهيل وشعاعه
اركب على كور السفينه ولا تعيد=لاتحسب الوضع كله صراعه

[قسورة الغاب]

اقتباس من مشاركة عناقيد الك البقا والعيد يزاد ويزيد=لامن تصادف مع سهيل وشعاعه اركب على كور السفينه ولا تعيد=لاتحسب الوضع كله صراعه

اسمك غريب وفيك سمحه وتعقيد = وعندك حكي عاقل وعندك لكاعه
وشلوون احط الكوور فووق المفاريد = لو كان لي فووق القعوود استطاعه

[عناقيد]

ان كانك انت قسورة غاب انا زيد=ابو المهلهل يشغلك في ارتصاعه
مادامك انك تعرف الهرج وتريد=بعض السوالف ماتسمى بطاعه

[قسورة الغاب]

اقتباس من مشاركة عناقيد ان كانك انت قسورة غاب انا زيد=ابو المهلهل يشغلك في ارتصاعه مادامك انك تعرف الهرج وتريد=بعض السوالف ماتسمى بطاعه

اثرك رجل وانا احسب انك من الغيد = يالي طبعة اسمك مؤنث طباعه
طالع تحت رجليك لا تبعد بعيد = قبل تزحلط في فخووخ السباعه

[عناقيد]

ترى الشعر مثل الجواهر وانا اجيد=جمعتها عنقود لأهل المجاعه
انا عريب الساس والسيف مايحيد=اسقيك منى دم وانت تباعه

[قسورة الغاب]

ابا اعتربك امن الرجال الصناديد = لو انها بعدين تطلع اشاعه هههههه
يازيد لاتاقع بدين المقاريد = وتصفرك يازيد في ربع ساعه

صح اللسانك ياعناقيد وتصبح علي خير