[قسورة الغاب]

السلام عليكم

مساكم // صبحكم

الله بالخير جميعا وكل انتم بخير


قصيد بعد العيد ارجووو ان تحوووز علي رضاكم ^_^

تعبت اجامل فرحة العيد وأعيد = ياعيد قلي وين وديت عيدي
ياعيد عيد العيد من غير تعقيد = من قسوتك ياعيد وش تستفيدي
عايدت كل الناس بالعيد ياعيد = وخليتني صايم مافكيت قيدي
امسكت سبع اشهووور بصيام وتزيد = مابل ريقي منك ساع البريدي
شووقي وشرهاتي جمووع ومفاريد = يكثر ضماها كل يووم ويزيدي
قلبي نشف ودمووع عين مواريد = تسقيه حتي بالنهار السعيدي
ومن طوول صدك ياقليل المواعيد = دووب الدما تمشي بمجري وريدي
ملامح الفرحه بخدي تجاعيد = مثل البكا بعد ابتسام الوليدي
تجردت عفوية الوجد تجريد = وشطر الحروف المبهمه من قصيدي
اسنتزف احساسي غصوون وعناقيد = حصاد من كثر الطعوون برصيدي
لله درك ياعذي التناهيد = ولله در القافيه والنشيدي
لبا عيوونك لو من ابعيد لبعيد = بس ارفق بقلبي فديتك ياسيدي
ولا تجيب فيّ العيد ياسيد الغيد = ترا قتيل الشووق ماهوو شهيدي

الموضوع الأصلي: القسوره : تعب من المجامله ^_^ | | الكاتب: قسورة الغاب | | المصدر: شبكة بني عبس

[سيوف بني عبس]

صح لسانك وعتلاشانك يالقسوره وتقبل مروري

[فضي البراك]

امسكت سبع اشهووور بصيام وتزيد
مابل ريقي منك ساع البريدي

سكت دهرا .. فنطق شعراً ..

أجمل وأحلى وأغلى عيدية ..

[بن هادي الرشيدي]

صح لسانك ملايين ياقسورة الغاب لا هنت ولاهان غاليك يابن العم.

[ميلاس]

‏ صح لسآآنك .. واعتلآإ شآإنك ..

[عاشق الريم]

مشكوووووور والله يعطيك الف عافيه

[ابوديما]

صح لسانك

وان شاء الله العيد القادم احلى

كل عام وانت بخير

[سنايدي]

شـووقـي وشرهـاتـي جـمـووع ومفـاريـد

يـكـثـر ضـمـاهـا كـــل يــــووم ويــزيــدي

قلـبـي نـشـف ودمــووع عـيــن مـواريــد

تـسـقـيـه حــتـــي بـالـنـهــار الـسـعـيــدي

ومـن طـوول صـدك ياقلـيـل المواعـيـد

دووب الـدمـا تمـشـي بمـجـري وريــدي

مــلامـــح الـفــرحــه بــخـــدي تـجـاعــيــد

مـثــل الـبـكــا بــعــد ابـتـســام الـولـيــدي

تـــجـــردت عــفــويــة الـــوجـــد تــجــريــد

وشطر الحروف المبهمه من قصيدي

اسنتزف احساسي غصـوون وعناقيـد

حصـاد مـن كثـر الطـعـوون برصـيـدي

لله درك يــــــــاعـــــــــذي الـــتـــنـــاهــــيــــد

ولله در الـــقــــافــــيــــه والـــنــــشــــيــــدي

لـبـا عيـوونـك لـــو مـــن ابـعـيـد لبـعـيـد

بـــس ارفـــق بقـلـبـي فـديـتـك يـاسـيـدي

ولا تـجـيـب فـــيّ الـعـيـد يـاسـيـد الـغـيـد

تــرا قتـيـل الـشوق ـ مـاهـوو شهيدي

صح السانك كثر حروفك