[عيسى العازمي]

قصيده للشاعره ونات نشرت عبر مجلة المختلف

مما اعجبني ..........







عزاه يا وقت مضى عله يعود
يومه ربيع و وقت عطلة و كشتات

يوم اللقا ما فيه عيب ومنقود
فيه الهوا طاهر ونابع من الذات

نقعد ودوتنا بها الضو موقود
وريح الحطب ينثر على الجو نفحات

وخلي يحاكيني واحاكيه بحدود
نحكي كلام العين للعين بسكات

نشرح هموم البعد ونجدد عهود
ونرسل شكاوي الحب بقصيد وابيات

ويقول وين فلان واقول موجود
وكنه يقول الحب وأقول ما مات

وهذي عجوز فاهمه حروف وردود
تكشف كلام الحب لو صار نظرات

ويقطف من العيدان عود وراء عود
ويكتب على القاعه احبك يا ونات

واخاف يفهم ما كتب جدي العود
واخاف حساد الهوا حقد و وشاة

وآنا اطرشله من عيوني السود
اجمل معاني الشوق والبعد خطوات

وهو يطرشلي مع حمود وسعود
رساله وكندر وشاني وكتكات

واليا اقبلت ديمة بها بروق ورعود
رديت للديرة معي جيش عبرات

وأبكي زمان فات يا عله يعود
يومه ربيع و وقت عطلة وكشتات

مما اعجبني...........

الموضوع الأصلي: رساله وكندر وشاني وكتكات | | الكاتب: عيسى العازمي | | المصدر: شبكة بني عبس

[هيون]

صح السانك ولسان الشاعره وتسلم على النقل
اهم شي الكندر هههههههههه
تقبل مروري

[عيسى العازمي]

ههههههههه

اي اهم شي اصلا موعاجبني الا الكندر والشاني خخخخ

يامرحبا ياسمية امي نورتي

وصح الله ابدانج الف

[عيسى العازمي]

شدعوه المشاهدات 15 والردود 1 ......!!

[رعبوبة]

صح لسآآآآن الشآآآعرة قصيــدة قمـــهـ
وانا اقراها والله عشت هالجــو.. ياحلو جو الكشتة والتخييم..
عيســى قصيدة قمــهـ وذوووق وإختيآر ولاأروووع..
بآركـ الله فيكـ