[ناصر الرشيدي]

اسمحلي استاذي

ياربي استغفرك من كثرت اذنوبي
. . . . . . . . واعوذ بك من مسار ابليس واعوانه
ومن ضيقة الخاطر اللي ضيقت ثوبي
. . . . . . . . ومن وجعةٍ مالها عند العرب خانه
يابري حــاالي علي ان كان قفوا بي
. . . . . . . . الضيق والدمـع والهاجس وشيطانه
لو في يديهم قضى وش كان سووبي
. . . . . . . . يمكن يحرمون الأخ مشاهد اخوانه
ولولا اقترابي من الله كان ضحوا بي
. . . . . . . . سبحان من يفرج الضيقات سبحانه
يمَو على وجهة القبلـــه وصلوا بي
. . . . . . . . واقروا علي من كتــاب الله وقرءانه
ياصاحبي لاتقول الحـــال وشهوبي
. . . . . . . . عزيز ضامه زمانــــه وانقضى شانه
خليت نفسـي ولاخليت ماجـــوبي
. . . . . . . . ونقلت حمل الذي ماطاحــت امتـانه
وفيت من طيب واثر الطيب عذروبي
. . . . . . . . اشين من الطيب في الرديان نكرانه
وانا اللذي كل مااحتاجــوا ولدو بي
. . . . . . . . اغنيتــــــهم من ردى النذل وتمنــانه
والى استضاق ابن عمي والتفت صوبي
. . . . . . . . افزلـــــــــه واقلب الدنيا على شانــه
مانا اتمصلح ورى شفي ومطلوبي
. . . . . . . . الرفقة اللي على المصلوح خســرانه
تدرون شوفو لي المرقاب وارقوبي
. . . . . . . . شاعر واغني الشعر واصوغ قيفــــانه
واذا بغيت التفت للشرق صدوبي
. . . . . . . . قدام يطري علي اسمـــــه وعنـــــوانه
محرمني الوقت حتى شوف محبوبي
. . . . . . . . اللي هجرت البلد والناس من شـــــانه
ان جيت في ديـــــرته تكفون مروبي
. . . . . . . . بيت لجل ساكنــــــــه حبيت جـــــدرانه
خلوني اشاهده لحظه .. وقفوووبي
. . . . . . . . اخاف احوِل ووقـــف عند بيبـــــــــااانه
وابيع عمـــري واحسب باقي ذنوبي
. . . . . . . . واسلــم امـري لوجـــه الله سبحـــــانه

الشاعر : حمدان المري

[فضي البراك]

الله عليك يابو سيف ..

الله على ذوقك ..

ويشرفني أن هذه القصيدة أول ماسمعتها من الشاعر حمدان بالقاهرة


يا سعود سلم لي على الشاعر نواس
هذا إشاره وانـت تفهـم الإشـاره
قالوا لي انك البارحه في بني يـاس
ودار الحكي ما بين جـارٍ وجـاره
في مجلسٍ يا سعود ماهوب مجلاس
أسمي خـذا لـه لفـتٍ واستـداره
عموما" الموضوع ماهوب حسـاس
بس السكـوت أحيـان ذل وحقـاره
يا سعود قلها له من الراس للـراس
ما به حكـي ينعـاد تـاره وتـاره
ترا الردا ينعاب والطيـب نومـاس
وراعي العفو يعفيك حسب اقتـداره
من طاب راسه شاع ذكره مع الناس
والا الردي ذكره علـى بـاب داره
بنك الربا والمـال تاليتـه إفـلاس
والا بنوك الطيـب ربـح وتجـاره
يا سعود ما كنك سمعتـه ولا بـاس
كلا" وانا حمـدان يعـرف وقـاره
من داس ثوب الغير لا بـد ينـداس
مـا عـاده بكيفـه ولا بإختـيـاره
الله يكرمني علـى قبضـت الكـاس
والله يعدينـي (القـدو) والـزقـاره
كيفي مع أهل الكيف (بنن) ومحماس
وصبي" إلى صلى الفجر شب نـاره
ورتب معاميله على النـار بقيـاس
وهيله وبنه واللبـن فـي غضـاره
أنا سليل الرمح والسيـف والطـاس
أهل الفخـر والمرجلـه والنعـاره
لا صاحت الهيجاء على قب الأفراس
أبشر بهـم لا ولعـت كـل غـاره
هذا أنا والا انت ويش انت يا نواس
والا أنت غرك لبس بشت الأمـاره
لا صار مالي سمعت" ترفع الـراس
عز الله أن أيـام عمـري خسـاره

[فضي البراك]

معه كنت أحلم بصاله كبيره .. وأمسية .. وجمهور=وهو جالس على الركن البعيد بزاويه صغيره
وأنا أسترسل قصيدي فيه .. أزيد.. من الغرور .. أغرور=ومعي عن ظهر غيب يردد أشعاري بتفكيره
ولكن صارت الفرقى .. قبل هالأمسية بشهور=أقول .. فراقنا خيره .. وهو .. ماكان أبد خيره

[فضي البراك]

بعد .. أذنكم .. اللي يمر .. يسمع هالمقطع كامل :

[فضي البراك]

تدري وش أسباب ضيقي وأغلب أوجاعي؟=وجيه ماتستحي .. وأنا أستحي منها!

[فضي البراك]

هاتي كفوفك عمر الأنسان محدود=خليني أنسى في دفاها صراعي
اما حياة كلها سهود .. ومهود=وإلا يصير الموت موت جماعي

[ناصر الرشيدي]

اقتباس من مشاركة فضي البراك تدري وش أسباب ضيقي وأغلب أوجاعي؟=وجيه ماتستحي .. وأنا أستحي منها!

تلامس الروح

.

[فضي البراك]

اقتباس من مشاركة ناصر الرشيدي تلامس الروح .

لك اهداء خاص

قريب جداً بس ماودي اسبق الأحداث