[السبع الضاري]

اقتباس من مشاركة ابوعابد صح لسانك يالسبع الضاري ابداع رائع

ارحب ابو عابد صح بدنك والاروع ذوقك

[الذئب سرحان]

اقتباس من مشاركة السبع الضاري ياصاحبي مافيه مخلوق ٍ سليم من الصدوف=مير البلا باللي حضوره لاحضر مثل اعدمه لو كل شعب المملكه مثلي مالحقتك الحسوف=شبيت نارك من قرا الحره ليا جال اضرمه

صحنا ونادينا وحطينا النقط فوق الحروف= مير امست القريه وبيه والشوارع معتمه
صدقني اني ودي اذكيك بااحد السيوف= اعطاك ربي عد هداج القراح وتدهمه

[سلمان]

الله الله الله يهب يالذيب البيتين هذي عن طوارررريق كاملة

[ابو موسى]

السلام عليكم يا الربع يا زين اللعب على اصوله هذا الشعر ممتع

[سلمان]

صفوف السبع وين راحوووووووو

[الذئب سرحان]

اقتباس من مشاركة ابو موسى السلام عليكم يا الربع يا زين اللعب على اصوله هذا الشعر ممتع

عليكم السلام ورحمة الله
يالله حي الشاعر الكبير ابو موسى

[المرقاب]

الله يعطيكم العافيه ابداع من الطرفين
عاشو عاشو

[السبع الضاري]

اقتباس من مشاركة الذئب سرحان صحنا ونادينا وحطينا النقط فوق الحروف= مير امست القريه وبيه والشوارع معتمه صدقني اني ودي اذكيك بااحد السيوف= اعطاك ربي عد هداج القراح وتدهمه

اهب صلط الله عليك انشهد انك كارثه

اصبر على اقدار الزمن واصبر على نار الضروف=وانا علي ّ ان الخمال ان بان فيك ادمدمه
انا كسبت الصمت بايام الزلازل والكسوف=وألاانت شر امة محمد من خبالك تلقمه