[المحترف العبسي]

السلام عليكم ورحمة الله وبركاته
يسعدني ويشرفني ان انقل لكم طاروق بين الشاعرالمبدع عبدالعزيز دحيم (شبل عبس) والشاعر الكبير فلاح القرقاح
واقول والله العظيم اني لم انقله الا اعجاباً بشبل عبس وفقه الله
فلاح القرقاح
ياشبل عبس اقرب ترى الدرب قدام00نبغى نوصلك الدروب الصحيحه
اللي يدور للمراجل ماينلام00الخير واجد وارض ربي فسيحه
شبل عبس
انا مع اللي لامشى الدرب مقدام00سجيت رجلي والفعايل صريحه
للمرجله تاجً وللطيّب احزام00وانا احمد الله مايديه شحيحه
فلاح القرقاح
ابوك اعرفه والله وسبعة انعام00مثل الجبل صفق الهواء مايزيحه
مير انت لاهالحين رقمً من ارقام00والرقم لازم له جهاز وشريحه
شبل عبس
ابشر بشبله جاي لك لابس وسام00سمّ العداء واهل القلوب الكسيحه
ياشيخ منكم ودنا نسمع احكام00وانا اخبرك عندك من الشيح ريحه
فلاح القرقاح
لولا الشجاعه كان مامات صدام00 واللي يموت يموت والله يبيحه
اقول ياعبس اسمعوا هن بالهام00شيلوا ولدكم واذبحوا له ذبيحه
شبل عبس
صدام مجرم مانفعه كثر الاجرام00والموت سنّه والمذله فضيحه
ياعبس شاعركم محنّك وضرغام00ضاق المطوّع وابتلش في فحيحه
فلاح القرقاح
توّك على سود الليالي والايام 00الناس كان يشترون النصيحه
ان قام قالوا جمّل الله من قام00وان طاح محدن قوّمه من مطيحه
شبل عبس
ياشيخ حج البيت والبس لك احرام00خل الولد يمسك ديوس المنيحه
يقول شاعر عبس قدام الايام00حنا مقابيس الوغا يامليحه
فلاح القرقاح
حجيت بيت الله واكرمت الايتام00ولاجيت بالمترديه والنطيحه
يامال فرقا العين يازرع الالغام00مهما تقولون القبيحه قبيحه
شبل عبس
حجيت بيت الله حسب شرع الاسلام 00 في كل يوم مغيرلك شريحه
وشكرا لكم

الموضوع الأصلي: طاروق رائع بين شبل عبس وفلاح القرقاح | | الكاتب: المحترف العبسي | | المصدر: شبكة بني عبس

[سعد محمد]

استمتعنا بهذا المحاوره جميله جدآ بين الشاعرين

صح لساان الشعراء جميعآ


ولاهنت أخي على اتنسيق ونقل ....

تقبل مرور أخوك / الفجر البعيد ’’’

[عادل بن هون]

رائع وانت الاروع

[شاعر الوطن]

محاورة رائعه .. بالتوفيق لشاعر النجم .. عبدالعزيز الخياري

[قصّاد]

طاروق طيّب وشعار كبار

[ناصر الخياري]

ابشر بشبله جاي لك لابس وسام00سمّ العداء واهل القلوب الكسيحه

كفو كفو يابو دحيم ونعم والله فيك واافي ياشاعرنا الوافي ..
لاهنت يالداهيه ..

[الشنفرى]

ابو دحيم شاعر له مستقبل كبير الله يوفقه

[زايد بن عدله]

الله أكبررر يابن دحيم
ياعبس شاعركم محنّك وضرغام00ضاق المطوع وابتلش في فحيحه
انا اشهد انك شبل عبس