[المهره]

من ذاق حر القايله يعشق الليل=ومن شب ضوه ليلة البرد يدفا

خل ابرهه الاشرم على ذمة الفيل=وانظر لشي مايوصفه وصفا
ياذيل والله ماتجي راس ياذيل=علم ماهو يغبى ولاهوب يخفا
واللي حما بيته بطير ابابيل=ماجيتك ادور لمن راح واقفا
ولاجيتك اطلب منك بن ولا هيل=جيتك وجرح الظام غاديه يشفا
جيتك بكلمة كنها صقعة الويل=ان قلت تكفا لا تهاون بتكفا
تكفا تراها كلمةٍتقطم الحيل=لا بالله تنسف الحيل نسفا
تكفا ماهي لمعقبين الفناجيل=تكفا لصلف وعادة القرم صلفا
تكفا ترى تكفا لها هدرة السيل=في صدر حرً بنتف الطيب نتفا
تكفا ترى تكفا تسرج الخيل=ان كان لك بالخيل سرجٍ وعسفا
تكفا تبيًن كل لاش وحلحيل=تسمع لها بالصدر هبدٍ ورجفا
تكفا وتكفا ماتساق للمهابيل=تكفا تخلي القرم لاش وهطفا
تكفا ياقرم الرجال المشاكيل=حماية الساقه بسيفٍ وشلفا
تكفا ترا تكفا تهز الرجاجيل=ولولا صروف الوقت ماقلت تكفا
ماقلت تكفا غير من فترة الحيل=وانته ولد من يفعل الطيب تكفا
ماعاد بي شده ولاعاد بي حيل=ضدتني الايام والقلً تكفا
واليوم عندك يارفيق المشاكيل=العذر ماينفع وانا قول تكفا

حيثك من اهل الطيب واهل المفاعيل=يازبن من جاله ومن قال تكفا

الموضوع الأصلي: من ذاق حر القايله يعشق الليل = ومن شب ضوه ليلة البرد يدفا | | الكاتب: المهره | | المصدر: شبكة بني عبس

[(الفارس)]

جيتك بكلمة كنهـا صقعـة الويـل ... ان قلـت تكفـا لا تهـاون بتكفـا
الله الله عليكـ
يالمهره البيت هذا يكفي عن 1000 بيت صح السان شاعرها وتسلم يمينك على الانتقاء الاكثر من رااااائع تحــياتي لكـ

[بوتفليقه]

قصيده رائعه
شكرا

[برق الوسم]

قصيده جميله ...
شكراً على النقل ...

[ابوديما]

يعطيك العافيه على النقل

[فضي البراك]

قصيدة مرعبه

وذائقة رائعة

[بنت أبوهــا]

مـاقـلــت تـكـفــا غــيـــر مـــــن فــتـــرة الـحــيــل
وانــتـــه ولـــــد مـــــن يـفــعــل الـطــيــب تــكــفــا

مــاعـــاد بـــــي شــده ولاعـــــاد بــي حــيـــل
ضــــدتــنـي الايـام والــقـــلً تــكـفــا

والـيـوم عــنـدك يـــارفـيـق الـمــشــاكــيــل
الـعـذر مــايــنـفع وانا اقول تـــكفـا !!

**

صحيح لولا صروف الوقت ماقلت تكفى !

صح ذوقج يا مهرة

:)

[سالم الرشيدي]

قصيده مع ـروفه
وجزله
ورااائعه تحمل معاني كثيره
تسلمين المهره على النقل الذووووووق ولاهنتي