[محمدالذيابي]

بسم الله الرحمن الرحيم
شاعر المحاورة الكبير ذيب الشمري يصاب بالحزن والألم لفراق زميله وصديقه في الشعر وعندما وافا الأجل نواف كان أحد الحاضرين فمن هول المشهد هاضت مشاعر ذيب الشمري في هذه الأبيات
نسأل الله سبحانه ان يعفوا عن نواف ويغفر ذنوبه في هذا الشهر الفضيل امين امين امين
ـــــــــــــــــــــــــــــــــــــــــــــــ



كن الخبر رمـحٍ تخلـل ضلوعـي $$رمح الفراق اللي للاعمار قصّـاف

صحيح ماهو واحـدٍ مـن ربوعـي $$ مير الوفا فوق الطوايف والاطيـاف

شقيق فكري فـي بدايـة طلوعـي $$اخوي في حكم العوايـد والاعـراف

بين الصفوف الحاميه والجموعـي $$ياما لنا في ساحة الشعـر ميقـاف

بالقاف يضربني على راس كوعـي $$واضربه مابين الحجاجيـن بالقـاف

على الشرف ندفع سلاح الدروعـي $$من شان تعزيز المواقع والاهـداف

في علم ترويض الاسود الهجوعـي $$في ساحته صرنا مروّض وعسـاّف

حتى بدت تمشي بطوعـه وطوعـي $$والسبع راقي بالتعامل ليـا خـاف

واصبح حليفـي بأتحـاد الفزوعـي$$ يوم الزمان اصبح مجاميع واحلاف

من سنة الرحمن مانـي جزوعـي $$لكن معي قلبٍ مـن الـود شفـاف

حفظ الصداقه من جواهر طبوعـي $$اموج بالذكـرى شـراعٍ ومجـداف

ادفـع ضرايبهـا ولانـي منوعـي $$مااظمها في خاطري شكل وغـلاف

عليه من جوع الغـلا زاد جوعـي $$ماهو مثل جوع البهايـم للاعـلاف

جفت ينابيعـي ويبْسـت زروعـي $$عشرة عمر نسيانها ظلم واجحـاف

وفي حين صلينا عليـه بخشوعـي $$وحطوه في قبرٍ فصال اربع اطـواف

اقفوا وانا عنـده تـذارف دموعـي $$اخر رجل واقف على قبـر نـواف

يامن لحكمك معلنيـن الخضوعـي $$انت الكريم وتكرم الضيف لا ضـاف

عبدك وضيفك في مقـامٍ يروعـي $$عن رحمتْك ماله وساطات واسعاف

يالله لاتحصـي عليـه الوقـوعـي $$في ما نهيت.. وشفت والغير ماشاف






(منقول )

الموضوع الأصلي: ذيب الشمري يرثي صديقه نواف العازمي00 | | الكاتب: محمدالذيابي | | المصدر: شبكة بني عبس

[غادة بني رشيد]

اول مرة اسمع بنواف بس اكيد هذا رجل محبوب لدي الجميع اللع يغفرله ويرحمه وجميع اموات المسلمين

[عبسي من الشرقيه]

اختي غاده: من كثر متابعتكم يالبنات لشعر المحاوره انتم يالبنات حدكم مسلسلات وبس مع احترام لكم هذااكبر شاعر محاوره ياغادتنا .............ولا تزعلي ياغاده ترى انا انسان مزوح واقدر رايك واحترمه ولكي مني الف تحيه.........اخوك ( فتى ابقيق)

[محمدالذيابي]

من حقك ماتعرفينه لانه شاعر محاوره والبنات مالهم بالامور هذي

أسعدني مرورك

اقتباس من مشاركة غادة بني رشيد اول مرة اسمع بنواف بس اكيد هذا رجل محبوب لدي الجميع اللع يغفرله ويرحمه وجميع اموات المسلمين

[محمدالذيابي]

عبسي

أسعدني مرورك

ورحم الله نواف رحمتا واسعه

اقتباس من مشاركة عبسي من الشرقيه اختي غاده: من كثر متابعتكم يالبنات لشعر المحاوره انتم يالبنات حدكم مسلسلات وبس مع احترام لكم هذااكبر شاعر محاوره ياغادتنا .............ولا تزعلي ياغاده ترى انا انسان مزوح واقدر رايك واحترمه ولكي مني الف تحيه.........اخوك ( فتى ابقيق)

[القزم]

والله شاعر

بس الله يرحمه

[المعزب]

رحمة الله علي نواف

وعلى جميع اموات

المســــــــلمين

وصح السان


ذيب الشمري

على هذه المرثيه

المعبره عن وفا الرجال

لاهنت يامحمد الذيابي

تحيه

[سعد الرشيدي]

صحيح ماهو واحـدٍ مـن ربوعـي $$ مير الوفا فوق الطوايف والاطيـاف

رحمك الله يانواف

وصح اللسان الشاعر ذيب الشمري

اشكرك على النقل