[حــزام]

بسم الله الرحمن الرحيم
والسلام عليكم ورحمة الله وبركاتة
كل عام وانتم بخير
وموقع يجذب الانظار ويكفي اسمه الي يشرف كل رشيدي

اخوكم ذيب الحجاز
شاعر من ابناء القبيلة مبتديء ويتمنا محاورة اي شاعر بالموقع
والله الموفق

سلام ياربعي وانا ذيبن وهذا المختصر = يعمكم واحد وواحد مايقصر بالسلام
الليلة ليلة طيبة ومباركة في هالشهر = شهر رمضان الي وجب صومه علينا كل عام

الموضوع الأصلي: ذيب الحجاز متزهب ويتحرى اقرب شاعر | | الكاتب: حــزام | | المصدر: شبكة بني عبس

[علي الهيفي]

عليك السلام يامرحبابك ياذيب الحجاز والساعه المباركه الله الله متابع

[حــزام]

البقا يامرحب
اخوي علي الهيفي
اقرب اذا لك خاطر , الدعوة سهالات وانا شفت محاورات لك ولي الفخر اللعب معك

[علي الهيفي]

[ابشر طال عمرك يشرفني اللعب معاك

يامرحبا ترحيب في ذيب الحجاز إليا حضر=اعداد ماخط القلم وعداد مايقرا الكلام
الليله ليله طيبه ياصحابنا يهل النظر=يومن جمعنا ربنا واقدارنا باهل المقام

[حــزام]

فيك البقاء يالي ترحب عد ماهل المطر = من شاعرن توه جديد وخابرن كل النظام
نبا عن الطامن نشوم ان كان ربك قد امر = والباقي كيفك ماتبا والشاهد رجالن كرام

احاول بتنسيق الابيات
وانشاالله صحيحه طلعت

[علي الهيفي]

ياذيب والصاحب ترى له عندنا حشمه وقدر=والذيب مايرضى على سرحان مثله بالملام
ارتاح دامنك تعرف الصح من كذب الخبر=والصقر لولا صيدته ماطار يالعالي وحام

[نجل عبس]

الله يحييك بين اخوانك يالغالي .. وانا مبتديء وبحاول العب معك وسامحنا على القصور


يا هلا باللي حضوره مثل هاك القمر
بعيد عن ارضه وضوه يجلي الظلام
والليله ليله منوره بـ حضورك يالبدر
واخر كلامي سلامي يا عزيز المقام

[حــزام]

صحيح هرجك يافتى والعرف مامنه مفر = والي يخابط في علومه سلم وقله تمام
ان كان ودك بالعلوم الي تفيد وتختصر = وش جاب طيرن ضارين للصيد لفروخ النعام

التنسيق لايظهر لدي ومعقد قليلا
واخي نجل عبس يشرفني اللعب معك ولكن سبقك بها عكاشه
القادم احلا وسيجمعنا ان طالت الاعمار

ولكن اين الصفوف العبسية