[احمد سبيتان]

مساكم الله بالخير

سلام مني سلام"زين للشاعر اللي وفا علمه=الشاعر اللي براسه غيض يالله تستر من علومه
في خاطري كلمه وبيتين يمكن يحقق بها حلمه=ويمكن يمر الشتا والقيض تبقي حلومه هي حلومه

الموضوع الأصلي: قرب ياصدام | | الكاتب: احمد سبيتان | | المصدر: شبكة بني عبس

[صدام..]

يامرحبا والكلام يبين ياشاعر"عاش في ظلمه=ماينفع الهرج والتفويض ياكم من ناس مظلومه
اختاروحده من الثنتين ياشاعر تناسبه كلمه=وان روحت مايجي تعويض لاتقول للناس مفهومه

[احمد سبيتان]

دام البقا والسنين سنين مايجهل الرجل في سلمه=وعزومك اللي تبي ترويض لاتامن الوقت وتلومه
يهب ياشاعر الالفين يبغى يطبق علي فلمه=في لعبة الفتل والتنقيض لكنها بانت وسومه

[صدام..]

انا اعرف ان الطريق يمين وشلون تخطيه وتخمه=سود الليالي تعكس البيض وان طحت ياصعبهاالقومه
سبع الاشارات شوف العين فعيونك اليوم ملتمه=والفلم يحتاجله تحميض كان الاشارات معلومه

[ابوشوشه]

عاششوووووووووو
< ماسك صفق تصف تصف تصف< يصفق ههههه

انا اعرف ان الطريق يمين وشلون تخطيه وتخمـه

سود الليالي تعكس البيض وان طحت ياصعبهاالقومه

دام البقا والسنين سنين مايجهل الرجل في سلمـه

وعزومك اللي تبي ترويض لاتامن الوقت وتلومه

واصلووو الابداع
< متابع ^_^

[احمد سبيتان]

الدرب يسهل على المقفين لاصار ماهم على يمه= ماابه دموع"عشان تفيض خطتك ماهي بمرسومه
ياصاحبي شاعرالتخمين دام ان عينك على القمه=وش قصة العين والتغميض غيرانها تبغي النومه