[ذبحني غروركـ]

صباح المفارق مارحم ., لارِحـم واليـه
تصبّحت فيـه وماهـي بْخيـر تصبيحـه

تسجّلتْ ذاك الصبْـح لاعادنـي طاريـه
بلستة : ( مظاليم الغـرام ومجاريحـه )

معاه إنولد للحبّ ( حزن الفراق ) وفيـه:
توفا الوصلْ من بيننا ( والله يْبيحـه ) .!

صحيح الهوا لويعطي الوصْل .؟ مايعطيـه
نمـدّ العمـر لاجلـه ومدّاتـه شْحيحـه

وانا يوم جاني رقمه وقلتله : ( لبّيه ) .؟
عطانـي علومـه كلّهـا فـي تصاريحـه

وجيت المكان اللّـي يقـول إنّـه بْياتيـه
ويوم أقبـل ومسيرتـه قومـه وطيحـه

ذخر لي تبسّامة شفاهه ., وضـمّ إيديـه
وذخرت إله في فرقاه تنهيته وصيحـه .!

وقبل إنتـوادع والعبـاري ملـتْ عينيـه
طلب منّي ادمـح لـه خطايـاه وآبيحـه

وعطاني ( شريطٍ لبو نوره ) وهو شاريه
يقول اسمعه ., واذكرني ابكـلّ تسريحـه

وانا .؟ ماسمعته بسّ في درجي امخلّيـه
على شان باقي فيه من ريحته ., ريحه .!

الموضوع الأصلي: ۩۝ღ ۞¸¸.• [ عطاني ( شريطٍ لبو نوره ) وهو شاريه ] •.¸¸۞ღ ۝۩ | | الكاتب: ذبحني غروركـ | | المصدر: شبكة بني عبس

[الكريمه]

الله الله
قصيده في غاااايه الجمال والله يعطيك الف عاافيه

[ذبحني غروركـ]

الله يسعدك منورة

[الشنب]

اختيار مميز ورائع من ذوقك

[ذبحني غروركـ]

الله يسعدك منور

[رائد الذيابي]

ذخر لي تبسّامة شفاهه ., وضـمّ إيديـه وذخرت إله في فرقاه تنهيته وصيحـه .!

نص فاخر وذائقه جداً فاخره
ذبحني غرورك
شكرا كبييييييييره

[أمير الرومنسيه]

يعطيك ألف عافيه
صح لسان قايلها وسلمت ايدين ناقلها
طرح رائع وابداع متألق
ودمت بالتميز عنوان
وتقبل مروري البسيط

[ذبحني غروركـ]

الله يسع‘ــدكم يارب لاع‘ــدمت حضوركم