[مرشد الصقعان]

يا الرجم راحن منك عام(ن) وعامين=راحن وانا يارجم داله وسالي
لولا دموع العين طاحن من العين=ماذكرني فيك حتى الليالي
لديت لك عيني وانا خاطري شين=وذكرتني شخص(ن) عزيزن وغالي
الغالي اللي حاجتي له ملايين=اللي عقب فرقاه عزي لحالي
يا الرجم مامرك له ايام وسنين=ومن عادته ماهو قطيع(ن) اوصالي
يمكن ضروف(ن)غيرن كامل الزين=ولا جراله بالزمن ماجرالي
خابره ماينقض عهودالمحبين=ويقول ماغيرك يدور بخيالي
الله حسيب الوقت ماله موازين=ياما ظلمني باالسنين التوالي
لكن أنا بمنك وحده وثنتين=وترى الامانه ماحملتها الجبالي
أن جاك ينشد كيف حالي وانا وين=قله بخير وعنك دايم يسالي
وقله ترى مرشد تعذب من البين=وياما على شانك حموله ثقالي
وقله ترى لو ياصل العمر تسعين=نذرن علي أنه عزيزن وغالي
هذي اوصاتي يارجم واحفظ الدين=أنشدك عنها عند رب الجلالي
وانا علي اهل دمعي من العين=من الفراق وعد ماهو طرالي


الشاعر/مرشد الصقعان...

الموضوع الأصلي: يا الرجم | | الكاتب: مرشد الصقعان | | المصدر: شبكة بني عبس

[حــزام]

حي هالقصيد
وياحي الرجم الي جاب هالهاجس

مرشد الصقعان
قصيده اطربتني ، لاتبطي علينا بجديدك يالغالي
صح لسانك ، ولاهان راسك

ولاخلا ولاعدم

[ابو ريماس33]

صح لسانك اخوي مرشد بصراحة ابيات تستحق الاشادة
الله حسيب الوقت ماله موازين** ياماظلمني بالسنين التوالي
قصيدةرائعة ,كرما لاتحرمنا من جديدك

[مرشد الصقعان]

لاهنتو والقصيد الجزل تستاهلونه ياربعي
بني عبس وللمنتدى شكرا على المرور.....

[ابن صقعان]

قصيده رائعه وجزله لاهنت تقبل تحياتي

[ابن سعيد]

صح لساااااااااااااااانك

أخ / مرشد

بيض الله وجهك

على هالقصيدة الجزلة

[مرشد الصقعان]

شكرا على المرور والف شكر لابن صقعان
على مروره وردوده الجميله ودمتم بخير....

[(ابوعواض)]

قسم بالله انك شاعر جزل متمكن


اكتفي بالوقوف والتصفيق