[سالم النرجسي]

وبيض الله وجه والطيبه مو غريبه علي ابو غريب

[المشعل]

الف مبروووك لشاعر عبس

مشكور اخوي ابو محمد

وكل الشكر للاخ محمد الشريكة على هذا المجهود الجبار

[• طہَإلً انتہَظہَ‘ـٍَ_ـاريَ•]

الف مبروووك لشاعر عبس

مشكور اخوي ابو محمد

وكل الشكر للاخ محمد الشريكة على هذا المجهود الجبار

[ابو بيان]

مشكور الاخ سعد الرشيدي
وشاعر عبس عيد بن مربح اطال الله عمره وحفظه الله من كل مكروه مهما كتبنا عنه لن نوفي حقه والف مبرررررررررررررررررررروك يابن مربح والشكر موصول للدكتور الشريكه وفقكم لله لمايحبه ويرضاه وتقبل تحياتي اخوكم ابو بيان

[الضرغام اليافع]

والنتيجة من السلالة العربية العدنانية المضرية j1..


ما شاء الله تبارك الله الــــــ1000000ــف مبروك
الــــــ1000000ــف شكر اخي سعد

[مشوح القعبوبي]

عاش
ابوغريب .....رشيدي.....هاكذا

[مخاوي الحبايب]

بيض الله وجه يشاعر عبس
عيد ابن مربح كفو والله

[فوزان بن مربح]

السلام عليكم ورحمه الله وبركاته

انا اشهد ان الشك ماله مداخيل=مركاه هيبه والكرامه احضانه

وبعــــــد:

بديت من فكري جزيلات الالحان=وجزل القصيد ليابغيته لقيته
اختار من عذب التماثيل مازان=ومن المعان الطيبه لابديته
اليابغيت الشعرفي ساعته زان=والقاف فيه ليابنيته بنيته
ماهو تطاول عن غرورا" وبهتان=بالعكس وهبة خالقا" مانسيته
في نظرتي بعد المدى دون نقصان=والكامل اللي تطلب الناس بيته
الي بمكان المجد منزل وعنوان=مركز وفاء طيبا" بطيبي وفيته
الي من رجال الطيب ربعا وصحبان=والي عن ضعوف النفس عزا" رقيته
مأرافق اللي يقبل العيش منهان=لاصار جافا" عز نفسه جفيته
ومن مايعز النفس عن كل حقران=للكسر رجلي كان دربه مشيته
والوقت يجري والنهايه للأنسان=والعز يبقى والرداء مابغيته
واللي بصدري عاش في وضع كتمان=تعبيره اكبر من سكاتا" قضيته
والشور مابيدى على ساير انسان=ولاكل من شاورت شوره رضيته
ولاكل واحد صايب الرآي لو كان= طيب ولياجيته المطلب خذيته
والشعر له بالكون فارس وفرسان=عالم سماء واعلام من شع صيته
حي القصيد بشامخ الذكر لابان=ذكرا" شرف صيته بالاعماق بيته
أله القصيد معانقه حلو الالحان=روح القصيد استوطنه روح صيته
اله الضمير ورود وشعوب واوطان=ذكرا" رفع رأسي وطيبا" جنيته
اله الجفون فراش ولحاف واسكان=وان مل جفني يم قلبي خذيته
هذا محله موطنه طول الازمان=عندي ولو شان الزمن ماجفيته
لياجيتله في غيهب الحزن غرقان=القى بطيبه زود عن ماهقيته
نظرة حجاجه مفنية بيت الاحزان=كور السعاداء في وجوده اعتليته
يبقى القصيد ويخضر القلب وجدان=واشتاق لمحبا" عزيزا" فديته
كتفي لازاد الحمل فوق الامتان=زندي لاصار الحمل ماقويته
اخوي عيد اللي لاهل الطيب مزبان=بالطيب له فعلا" حياه وحييته
طيبه من اللي دون حلوات الالبان=خلاء عظم ساق المعادي شتيته
من شجرتا" بالطيب يرفع لها شان=الطيب كله ساسه اللي جنيته
شيخا" بعزه عزنا تسعة اخوان=شيبا" درسنا عزنا وسط بيته
يابو غريب انبيك من قلب والسان=ببيوت شعرا" فيهن اسمك عنيته
ساقا" لفكري مثل ماتسوق الامزان=وتلاعجن بصدق قولا" صحيته
من ما ضهرلي من ردى فلان وافلان= وعن من كبر به ضني ولالقيته
عن حاجته ماصد لاقال فوزان=كلي على اللازم لاقال جيته
اثريه راعي مصلحه طير برمان=ولاتنقضيلك لازمه لانصيته
وقت الشدايد جملة العنز والضان=فعله وفكره مثلهن لانخيته
طبايعا" تغيرت في هالازمان=في عالما" لوكنت ربا" محيته
استغفر الله دون شركا" وبهتان=استغفره عن كل ذنبا جنيته
شفت الغريب وشفت تغيير الالوان= شيا" تضويته وشيا" قريته
ووجه الزمن ناشف من الدم مالان=وثقت فيه وغشني مأحتسيته
وقتا" عطف قلبه على كل جبان=واصبح قراحه للردي والنبيته
ارخص هل الطولات ذربين الايمان=وكلا" يقول الوقت هذا ياليته
يستبدل الحنضل ورودا" ورمان=وكلا" يقول الوقت هذا رضيته
وقتا" به الصدقان بقلوب عدوان=ومات الرجاء في كم عزيزا" رجيته
وقت الرخاء كلا" يعد سلطان=وكلا" يقول الطيب في احتضيته
مير الشدايد تفرق فلان وافلان=وتميزك باللي ظن طيبه قنيته
مير الزمن ياعيد بأشكال والوان=سيور وقتي جاريا" لو عصيته
تدري وفي كثر التجاريب برهان=واللي لقيته ياعضيدي لقيته
بذرت بذرا" مربحه صرت خسران=اليوم ماكني بذرت وسقيته
قل الوفاء والطيب راح بخبر كان=واخشى عليه يموت ويموت صيته
تم الجواب وعفوا" انت كنت غلطان= عساه يرضي خاطرك لاقريته
وان اعتجلت انسان وخلقت عجلان=اكبر اعيال ابوي عمود بيته
والبيت ماهو بيت من غير عمدان=وحقك علي بذمتي مانسيته
ولاني بندمانا" ولاهوبندمان=يوم الله اعطاني عضيدي عطيته
وتم الجواب وعفوا" ان كنت غلطان=عساه يرضي خاطرك لاقريته