[رشيد]

دامك أنت عارف البير وغطاه
* ليش تزعل ليه تسأل وش جرى
خل مجروح المحبة في عناه
* فرق واضح بين من باع وشرى
الحظيظ اللي نسى همومه وراه
* نامت عيونه وهمه ما طرى
كل جرح يطيب ليحصل دواه
* توي أدري ليه جرحي ما برى
الزمن والا أنت ظالم في هواه
* أيكم بالحيل يا زين افترى
من نلوم اليوم من نمشي معاه
* الزمن والا أنت يا طيف سرى
اتعزز وأخفي الجرح وبلاه
* صار هاللي صار واللايم درى
من قرأ عمري نثر دمعه وتاه
* مستحيل أنه يكمل ما قرأ
كان منك الحب هذا منتهاه
* ابتعد بعد الثريا للثرى
من صباحه كاتم ويشبه مساه
* لا تلومه لو جفا حلو الكرى
لو جميع إنسان يتحقق مناه
* ما نزل دمعه ولا خطوه ورى
كان شفت الكوت في قمة رضاه
* والمحبة تجمع قلوب الورى
-
-
-

اسم القصيده وقائلها :
"فرق واضح "
للشاعر الكبير // سعد الخريجي

الموضوع الأصلي: فرق واضح | | الكاتب: رشيد | | المصدر: شبكة بني عبس

[ولد حايل]

شكرا على النقل
وصح الله لسانه

[سعد محمد]

صح اللسانك وتسلم يمينك يارشيدقصيده جميله ...

تحياتي ’’’

[لحظة هدوء]

قصيدهـ جزله ورائعه
الله يعطيك الـ ع ـآأإفيه يالغلا
لاهنت ع النقل