[(*العرعري*)]

مرحبا بالجميع

هذي محاورة كتابيه بين
ناصر بن مرسال
فلاح القرقاح
فى
الكويت

وايضا فيديو من نفس الطاروق

ناصر بن مرسال


يامرحبا بأسم أبوبدر الف مره
انشهد ان ناصر براهيم وافي


ياكويت ياكويت الفرح والمسره
ذكرتني مرشد وصقر النصافي


فلاح القرقاح


عداد ماتبدي نجوم المجره
تبقى ويبقى كل رجلن سنافي


هذا الوطن حر وطريقك يمره
هديته منك الحكم والقوافي



ناصر بن مرسال


تسلم وعلمن في ضميرك تحره
مدام زان الليل والجو صافي


العلم وقت فات هذا مقره
واليوم فيه مجادله وأختلافي



فلاح القرقاح


لوشبت النيران مابه مظره
ثلاثه ارقام وتجيك المطافي


بعض الآوادم عايشن فى مغره
مايدري انه ماتدوم العوافي


ناصر المرسال


لو الحريق يشب يلحقك شره
لاتستهين النار وانت متعافي


وقت مضى لشعيل فالأرض جره
واليوم حتى جرته ماتشافي



فلاح القرقاح


ماينقص من الكون مثقال ذره
لولحق سبع سمان سبع عجافي


ياجاهلن بالوقت برده وحره
وشلون تسبقنا ومرقدك دافي



ناصر المرسال


لولا الرخى ماجاك مال تسره
والشخص مهما حاش ماقال كافي


يالايمي لاتلوم يوم اتشره
قدر مشاريه القلوب النظافي



فلاح القرقاح


انا ماوقف عند باب المبره
لو انجبرت امشي على الشوك حافي


النفط مالي بحر ربي وبره
لكن ماغير المصافي مصافي



ناصر بن مرسال


جاب الخبر واقول لله دره
لوللخبر وجهين بين وخافي


الأدمي يكفيه دخنه وبره
لايلتفت يم الرجوم المشافي



فلاح القرقاح


احدن يشب الجمر واحدن يكره
والحاضرين اثنين مثبت ونافي


كم من غني شق ثوب وطره
وكم من فقير عاش والستر ظافي



ناصرالمرسال


رزيتم الأعلام فى راس حره
وأهل الحقوق تعود منكم عيافي


في كل ليله وانت صوتك تجره
ماكن في جنب العيافي عيافي



فلاح القرقاح


خذلك على كورنيش الابراج فره
النص مايحتاج الأسم الأضافي

سوف يتم تنزيلها صوتيه

الموضوع الأصلي: ياكويت الفرح والمسره....ذكرتني مرشد وصقرالنصافي (ناصر المرسال و فلاح القرقاح) فيديو | | الكاتب: (*العرعري*) | | المصدر: شبكة بني عبس

[الاجهر]

تسلم لاهنت
وصح السان الشاعر ناصر مرسال والشاعر فلاح القرقاح
بانتظار الفديو كاملاً
تقبل تحياتي

[البعيد الهادي]

صح اللسااان عميد الشعراء
ابو وليد صاااحب المعنى الجزل , والقاااف المعتدل
لهُ منا الاحترام والتقدير
وجزيل الشكر لك ياااصااااحب الانتااج والابداع المتألق
اخينا العرعري
جهووود تستحق اكثر من الشكرعليها
دمت ذخراً لقبيلتك يااامبدع

[خاتم الرشيدي]

صح السان الشاعر ناصر مرسال والشاعر فلاح القرقاح
بانتظار الفديو كاملاً

[(*العرعري*)]

الأجهر والبعيد الهادي وخاتم الرشيدي
هلا ومرحبافيكم وبمروركم وشاكر لكم مروركم

[(فارس الرشيدي)]

الله يرحم مرشد وصقر النصافي ويطول بعمر عميدالشعراء
العرعري بيض الله وجهك بانتظار الفديو كاملاً

[(*العرعري*)]

حياكم الله جميعاااااا
سوف يتم تنزيل طواريق ناصر بن مرسال صوتيه وفيديو من نفس الحفله

[سالم الرشيدي]

صح السنتهم
وبيض الله وجهك اخي الع ــرع ــري