[(ابوعواض)]

اخواني واخواتي
اسلحة الصيد كثيره ومتنوعه ويوجد بالسوق هالحين البنادق الهوائيه تبيعها محلات متخصصه بتصاريحها ويوجد في السوق السوداء وسوق الزل بالرياض ناس تبيع اسلحة الصيد الناريه مثل الشوازن والخرازات وهي اسلحة صيد يسمح بأقتنائها وتصرح


وسوف نبداء بعرض بعض انواع الاسلحه ومواقع شركاتها المصنعه بحيث ان من يريد زياده تفاصيل يزور موقع الشركه وياخذ كامل المعلومات

الشوازن

من اشهر بنادق الصيد في العالم الشوزن ولها احجام وانواع

واحجامها على ما اعتقد هي ربع ونص وكامله واشهر شي الكامله لان الربع صغيره وضعيفه والنص كانت مشهوره بس ممكن بسبب قل انتشارها وتداولها وغلي فشقها خباء لمعان شهرتها عندنا من زمان

اما انوع الشوزن

فهي ام حبه الكسر وسعرها في حدود 1600 ريال ومنها صناعات مختلفه

واللي عليها الكلام ام خمس وهي انواع كثيره ومشهوره واسعارها في حدود من ال 5000 الى 7000 او لكثر

وممكن تكون تاخذ 8 او 10 فشقات حسب النوع



اهم الشوازن الموجوده في السوق هي





بنيللي

خفيفه الوزن وتتحمل كا عيارات الطلقات ولها شعبيه كبيره وسهله الفك والاستخدام واعطالها قليله


سوبر تسعين


اموهه واحدث موديل


وهذي شكل حلو من الستنيلستيل


بنيللي ماصورتين

وهذا رابط شركة بنلي
http://www.benelliusa.com/








البراوننق

سمعتها جيده في المملكه ولها شعبيه كبيره وقويه

ومن عيوبها الثقل وتحتاج تنضيف دايم


قولد هنتر



ماصورتين او تسمى ام روحين


باين على شكلها تمويه



وهذا رابط شركة براوننغ
http://www.browning.com/homepage/index.asp






مازلنا في الشوازل



الريمنقتون
برضه لها شعبيه كبيره ومن ميزاتها انها راكده وما تندف وعيوبها قليله


ريمنتقتون 1100



ريمينقتون ام روحين



ريمنقتون سوبر ماقنوم موهه


وهذا رابط شركة ريمونغتون
http://www.remington.com/default





البريتا

اكثر بنادق الشوزن تطورا وصناعتها ايطاليه وايطاليا مشهوره بالبنادق وفيها ميزات تجتمع في اغلب الانواع اللغيرها وشكلها من اجمل الشوازن


هذي اسمها بريتا يوركا


وهذي بريتا اكستريما مموهه ويقولون انها من افضل الشوازن من ناحية المميزات


بريتا ام روحين


موقع شركة بريتا
http://www.berettausa.com/[/QUOTE]

تــآأإبع[/QUOTE]

الموضوع الأصلي: شرح لجميع اسلحة الصيد مع ذخيرتها _ بقلمي _ حصري | | الكاتب: (ابوعواض) | | المصدر: شبكة بني عبس

[(ابوعواض)]

الخرازه





من اهم انواع بنادق الصيد الخرازه

وهي بندق قويه مره .. لذالك سميت خرازه رصاصها صغير اصغر من المسدس وتسوق بعيد وممكن ياصل مداها الخطر الى اكثر من كيلو



وهي منتشره بانواع مختلفه كانت تجي ام حبه وهالحين اللي معروف منها ومشهور ام خمس البرنو وفيه انواع اخرى احسنها الالماني ام سبعطعش فشقه وانا ما اعرف كل انواعها




وكان فيه نوع الماني قديم طرازه 66 و67 يقولون هو افضل نوع نزل يعني اللي عنده الطراز يحتفظ به ولا هو لاقي احسن منه لانه ما يتغير قوة رميه ولا تتغير ميزانيته بس هالطراز مقطوع من زمان



سعر البرنو ياصل فوق 2500 والتشيكي العادي ممكن 1700



لها ميزات زينه كثيره منها

- تسوق بعيد ..يعني ركب عليها دربيل اصلي وانس موضوع البعد

- ما ترجف زي الشوزل وصوتها عادي زي ساكتون الهوا

-خفيف وزنها وتقدر ترمي بها بيد وحده

- رصاصها متوفر مره ورخيص الدسته ب 30 او اقل

-فيها امان






والخرازه تصلح لصيد الفردي يعني تصيد طير واحد منفرد الحاله وتقول ما يحتاج رمي بالشوزل



و صيد الضبان الخرازه مثاليه لانها تقتله على طول وما يمدبه ينحاش ويدخل جحره ويموت فيه خاصه اذا استخدمت الرصاص المتفجر ورميت الضب مع راسه


وصيد الارانب

والوبر


وغيرهن من الطيور والحيوانات




بعض انواع رصاص الخرازه

- رصاص ستينجر رصاص لونه فضي وراسه نحاسي وهو قوي ومتفجر

- رصاص كنكورد لونه ذهبي ورئسه رصاصي غامق ويوجد داخل رأس الرصاصه مسمار يشبه لشكل رأس السمكه تقريبا وهذا النوع ممتاز جدا

- رصاص رمنقتون نوع متاز بس مدري هو في السوق والا لا

- رصاص ابو ارنب النحاسي الرأس نوع قوي

-رصاص ابو ارنب اسود الرأس نوع ليس قوي بدرجه كبيره الخرازه .

- رصاص الليزر من افضل الانواع واقواها ايضا

-اما هالنوع فهو من اقوى ان لم يكن الاقوى في كل الانواع في العالم

واسمه AGUILA



وهذي التي في الصورة من النوع المتفجر وسرعتها 1750 قدم/ثانيه
وفيه منها نوعين المتفجر والعادي (المصمت)


وهناك انواع اخرى كثيره ومختلفه



مشكلة الخرازه في الوزنيه ...صعب وزنها وتزم من الهواء لانك ترمي هدف من بعيد والرصاصه خفيفه

وانتبهو يا اخوان عند حمل الخرازه بالسياره لان الواحد يحطها في شجه وهو جالس بالمرتبه يقالك مولمها للرمي المستعجل ..بس ممكن من اي مطب والا هزه بالسياره تسبب طلق الرصاصه والنتيجه اذا اصابت الجسم قاتله 100 % وفيه حوادث قد صارت بسبب هالشي..يعني وانت شايل البندق خل الفوهه تطلع برا القزازه او اقل شي ماهي متوجهه لمك او لم اي شخص

ايضا هناك ملاحظه على الصيد بالخرازه والا بالشوزن في النخيل تراهن يعدمن قلوب النخل والخوافي يعني تصيد لك صفارى وتقتل نخله وتوذي المسلمين في حلالهم

لذالك لا تستخدم الخرازه والشوزل في الصيد بالنخييل علشان ما تسبب ضرر واذى لغيرك





[/QUOTE][/QUOTE]

[(ابوعواض)]

بنادق الصيد الهوائيه ( الساكتون )
ما اعتقد ان فيه احد ما شاف الساكتون او استعملها وهي بندق بسيطه تعتمد على الهواء في دفع الطلقه.. وذالك عن طريق كسر البندق للتلقيم بحيث عند الاطلاق تندفع الجلبه في حيز مخصص ملئ بالهواء اللذي يدفع الرصاصه بقوه لتخرج مع الماصوره اللي بداخلها خطوط حلزونيه تجعل الرصاصه مندفعه وهي تدور حول نفسها بحيث تخترق الهواء بون ان ينحرف مسارها

د يانا 54


وفيه طريقه ثانيه تستخدم وهي تعشيق البندق وممكن تعشق مرتين ويكون فيه عيارين لقوة الرمي بسبب ذالك

وممكن يستخدم هواء مضغوط يجي باسطوانات مخصصه للبندق

ولكن اهم نوع منتشر ومعروف هو النوع اللي يكسر



ميزات بندق الهواء

رخص الرصاص...الرصاصه تكلف هلله(يا بلاش)

سهوله الصيانه...وانا ابو عشر سنيين كنت افكها واغير الجلبه والسبرنق واركبها ثانيه زي احسن فني بنادق

رخص قطع الغيار وتوفره وسهولة تركيبه

تنوع احجامها من صغير مره الى كبير مره..ممكن تلقى في النوع الواحد 6 مقاسات او اكثر

سهولة الحصول على ترخيص..يعني اذا جيت تشتريها خل صوره والا يصورك بالمحل وتاخذ ترخيصها من المحل نفسه عقب كم يوم

خفيفه الوزن وتحتوي على زر امان

وممكن تركب فيها دربيل



انواعها


- ديانا DIANA وهي المانيه الصنع
من اقوى وافظل الساكتون على الاطلاق
وعلامتها رسمه منحوته لامرأه متخليه عن قوس ( نشاب ) ورافعه الساكتون

- نوريكا NORICA




- كوميتا comita




- جامو gamo اسبانيه الصنع


- ويبلي Webley



- فايروخ WEIHRAUCH المانية الصنع
شيخة السواكتين بلا منازع

هذي اشهر الوكالات العالميه في السعوديه والخليج

طبعا يجب ملاحظة ان كل انواع الساكتون ( او اغلبها ) تحمل ارقام تدل على الحجم

20---22---25---27---35---36--45--46---80---85---90--وغيرها من الاحجام

فيه حاجه مهمه يجب ان تنتبهو لها وهي الميزانيه

افضل الانواع المعروفه هي ديانا وفايروخ الالمانييتين وكلهن جيدات ومجربات

حتى الوالد عنده فايروخ

علشان ميزانيتها قطعه وحده يعني ما تتغير بسهوله بعد الوزن اما الي الميزانيه كم قطعه مركبه مع بعض فالميزانيه تبي تتغير ولو كان التركيب محكم لانها حساسه مره

الفايروخ هي افضل ميزانيه وممكن تركبها على الخرازه وسعرها 100 ريال مع التركيب عند الوكيل

أترككم مع صور الفايروخ





ارجووو من الاخوان التثيت
[/QUOTE][/QUOTE]

[سند الداموك]

مااااااشاء الله عليك أبو عواض شرح وافي جدا ومفيد استفدنا منه بعض

الخصائص عن الاسلحه

يستاهل التثبيت للأهميته وفوائده


تحيااااااااااااااااتي لك أيه العزيز

[النمر1012]

بيض الله وجهك ويعطيك العافيه يابو عواض ماهي غريبه عليك ياراعي المقانيص
وتقبل مروري

[(ابوعواض)]

اقتباس من مشاركة سند الداموك مااااااشاء الله عليك أبو عواض شرح وافي جدا ومفيد استفدنا منه بعض الخصائص عن الاسلحه يستاهل التثبيت للأهميته وفوائده تحيااااااااااااااااتي لك أيه العزيز

وانت وافي يابورنا لاهنت وتستاهل الطيب


شاكرلك مرورك ~

[(ابوعواض)]

اقتباس من مشاركة النمر1012 بيض الله وجهك ويعطيك العافيه يابو عواض ماهي غريبه عليك ياراعي المقانيص وتقبل مروري

وجهك ابيييض الله يعافيك وانت الطيب ماهو غريب عليك

شاكر لك مرورك يالغالي ~

[عبد العزيز]

مشكور على هذا الشرح الوافي وبيض الله وجهك اخوي ابو عواض