[وحيد]

شفت القلم يبكي على صفحـة كتـاب
جيت امسح دموعـه وفـا وكتبتنـي

بدا بقصّة غربتـي واسهـب اسهـاب
لين الحـروف اللـي كتَبهـا بِكَتنـي

الغربه اللي صـارت لحزنـي اسبـاب
وطّنتـهـا بالشـعـر واستوطنتـنـي

لين اصبَحَت حارس على كل الابـواب
حتّى وانـا فـي موطنـي ضايقتنـي

ماني بمستغـرب إذا الوقـت ماطـاب
مادامهـا غصـبٍ علـي رافقتـنـي

اشلون اباستغرب وانا همومي اسراب
لاحَلّـقـت فيـنـي ولافارقـتـنـي

أمضي وانا في داخلي قلـب منصـاب
أضحَك لو ظروف الزمـن حاصَرَتنـي

آشوف كل الناس من حولـي احبـاب
حتّى لـو قلـوب البشـر غالطتنـي

تجي علـي ايـام ماعِـدّ الاصحـاب
وكثيـر مابعـض الوجيـه انكرتنـي

تغيب عنّا وجيـه .. ووجيـه تغتـاب
وياما..اكثر وجيـهٍ نِسَـت وذكرَتنـي

ياما..مَلَو جـوّي بتَصفيـق الإعجـاب
ويامـا عِبـارات الرّضـا داعَبَتـنـي

وياما..احتفت بي واغرقتني بالالقـاب
وانـا ادري إنّـي لامشيـت بهَتَتنـي

استانس وجيـه الأعـادي والاجنـاب
بالطّيبه اللي طـول عمـري سِبَتنـي

اوسّع الخاطر علـى بَعـض الاقـراب
اللي على بَعـض العـزوف اجبَرتنـي

لو خاب ظنّي قلت .. ما ..ظنّتي خـاب
يالنّيّـه الـلـي دايـمـاً لازمتـنـي

أصمت ولا آبيّـن مشاريـه وعتـاب
ليـه العتـاب وشيمتـي نزّهَتـنـي؟

قِل.. للحسافه تلبـس عتابـي ثيـاب
دام النوايـا الصّافيـه مـا انصفَتنـي

مهما الصخا.. بكفوف جود الزمن شاب
قناعتـي جـادت عليّ..واكرمتـنـي

ومهما الوفا كل اكثره بالبشـر غـاب
يَبقى عرينه بيـن مَتنـي .. ومَتنـي

الله أكبر .. وش بقى الوقـت ماجـاب
خلّـه يخفّـف مـن ذنـوب اثقَلَتنـي

استَصغـر الدنيـا ولا آكـون طَـلاّب
إلا لمـن هـو خِيـرِتـه سَيّرَتـنـي

الله لايجعـل علـى عيونـي حجـاب
عـن حاجـةٍ فـي طاعتـه قرّبَتنـي

ولا يجعل الدنيا لهـا عنـدي حسـاب
لو هي على كرهـي لهـاحاسبتنـي

هذي هي الغربـه وذا هـمّ الاغـراب
اللـي كثيـر النـاس عَنهـا سألتنـي

الغربه اللـي حارسـه كـل الابـواب
رحَلـت عنهـا وشَرّقـت ولحَقَتـنـي

الموضوع الأصلي: الغربه الي صارت الحزني اسباب | | الكاتب: وحيد | | المصدر: شبكة بني عبس

[ابن حتروش]

الله يعطيك الف عافيه يالغالي على القصيده الروعه شاكرلك

[وشلون مغليك]

الله يعطيك الف عافيه يالغالي على القصيده الرائعه

تقبل مروري

[ذبحني غروركـ]

صح لسااانك لاعدمننا هالطرح
الله يسعدك

[وحيد]

يعطيكم العافيه على لمرور الرائع

[ليان]

يعطيك الف عافيه
يسلمووووووو

[وحيد]

يشرفني مرورك ليان
واسف على تأخر الرد لظروووفي الخاصه

[نبيل العرعري]

الله يعطيك الف عافيه يالغالي على القصيده الرائعه

تقبل مروري