[سعد الشقل]

عبدالباري عبدالعزيز

ياسلامي على اصحابي صغير وكبير=عد ما لاح براق الحيا واشملا
اتعين على الشاعر عسى بألف خير=مرحبابه مع اصحابه هلابه هلا

الشآعر

مرحبـا مرحبـا يالله تحـي الاميـر=مرحـا مرحبـا اهـلا هـلا مسهـلا
ابشر انـي بحالـه طيبـه يالعشيـر=ومن بني عبس واعطي عبس كل الولا

عبدالباري عبدالعزيز

البقا والتحية والغلا يالمدير=صاحبك معك دامك صاحبٍ للعلا
الله الرازق الخالق عليٍ قدير=وألف نعمٍ بربعي شوكة العيلا

الشآعر

اعرف انك مقدر معي مهما يصير=يوم خاويتني مكفول شرب وكـلا
بس خلك معي لا تستمع هرج غير=دام انا وانت في ذيك البلاد ازملا

عبدالباري عبدالعزيز

وين ودك عن العالم هذولا نطير=والكفاله وأنا أبناخيك زاد ابخلا
خلها يا عميل الخير زبد ومضير=لاتخسر الجهاله غير عند أجهلا

الشآعر

استمع منك سير ابها على ماتسير=بس نجلي؟ ياقال فلان وش به جلا
صير قد المهمه يوم قالوا وزيـر=لا تحيزم وتظرب مع ديارن خلا

عبدالباري عبدالعزيز

أنت ودك على صاروخ وألا بعير=المسافه بعيده والأمم تبتلا
صاحبك يستدير منين ماتستدير=ماغزا القوم في جيشٍ زرا وعزلا

الشآعر

مايجيب الكسوب الا شجاعن خطير=والشجاعه ماتاتي يا ولـد بكفـلا
ودي اصاحبك لكان اشوفك تزيـر=جيبها مـر والا ياسنافـي حـلا

عبدالباري عبدالعزيز

السماء ممطره والأرض سيلٍ غزير=أغرقت نهر دجلة وأغرقت كربلا
ماحديتك عن الصحبه ياأخوي الصغير=لاتمنى البلا مادام مابك بلا

الشآعر

السما ممطره والضان تعلف شيعر=شرعة بالحياض ولا تعرف الفـلا
وانت سافرت لكن نك ماعندك سبير=بين برد الشمال وبين صيفن صـلا

عبدالباري عبدالعزيز

أنشد الزير ياالشاعر على ويش زير=الضمائر تخالف والوجيه أقبلا
ردها ردها ياصاحبي للغدير=العيون الكبيره ماعليها حلا

الشآعر

ليش انا انشد وانا اعرف الخبر والخبير=جعل ما احتاج علم ابو عيـون احـولا
شوري انك تريح فوق زيـن السريـر=دام ماانت الاخيـر ولا انـت بـالاولا

عبدالباري عبدالعزيز

أنت شاعر ماشفنالك حلي ونضير=ماعدا الجحش غيره . لا. بعد وألف لا
والله إنك صديق وطيعني تستخير=دام تعرف مصيرأشوي قبل أولا

الشآعر

الجحش صاحبك وانته معه في مصير=تبتسم مـن رضـاه وتزعـلا لزعـلا
ومن قضا هالحياه بدون خفض الضمير=بشره في مكا ن اسفـل مـن الاسفـلا

عبدالباري عبدالعزيز

لاتحسبه جحش مولود من ظهر عير=أنشد العمده أيعلمك ياابا العلا
أبك أنا أمدحك وأنت أطيح مثل الكسير=لاتغلا ترا ماحاصللك غلا

الشاعر

اعرف انه جحش ماقلت لك من حمير=ابك انا قلت هـذا صاحبـك يـاولا
دام مدحك كذا شاور جحشك الشويـر=انشده قل يقولـون العـرب مخمـلا

الموضوع الأصلي: الشآعر وعبدالباري عبدالعزيز | | الكاتب: سعد الشقل | | المصدر: شبكة بني عبس

[نايف سليمان]

محاوره رائعه


مشكووووووووور ياسعد الشقل



تقبل تحياتي

[ناصر خنيفر]

الله يعطيكم العافيه محاوره قيمه من شعراء كبار يعرفهم القاصي والداني

[عبدالباري عبدالعزيز]

بيض الله وجهك أخي سعد الشقل على تنسيق المحاورة والجمائل ليست غريبة منك
شكري وتقديري لك

[سعد بن عادي]

با الفعل محاوره لشعراء كبار تستحق التنسيق

[مسندالعويمري]

محاوره رائعه


مشكور ياسعد الشقل

[فهد المويسه]

محاوره رائعه بين شاعران متميزان

ومشكو ريا سعد على تنسيقها

وتقبل سلامي