[أمـــير بـكلمتي]

السلام عليكم ورحمة الله وبركاته .

~.*'رسالة اعتذار '*.~,


اهديها إلى شخص واحد زعل علي في يوم من الايام

و أخذ بخاطرة مني ارجوا السموحة من الله ثم منه

هو شخص عزيز على قلبي لم تراه عيني لكن جمعتنا

صداقه وعز في هذا المنتدى الغالي عبس على قلوبنا

لا أستطيع ذكر اسمه وأنا متأكد اذا دخل يعرف هذا الشي

وانه الشخص المذكور اذا اراد ذكر اسمه له الحريه المهم ان (يسامحني)
//
**وهــــــــذه الابيات مهداه له**


نزعل ونتكبّــر وحنا من الطيـــن
والكـــل منا صــــدّ لا أقبل خويّـــــــه !!

نفتخر نقول إنا على الصد قاوين
وهــــيّ علينا في الحقيقـــــة قــــويه !!

نشفق على الطيبة و كسب الكريمين
وهذي بنا ؟؟ لاشك فعــــلة رديـــــــه .!!

ننسى نهايتنا وعلى وين ماشيــــن
وننسى الزمان اللي جمعنا ســـــــويه !!

المشكلة ماهي بـ حاجة لــ تخمين
ولاهي بعد ياناس صعبـــة القضيــــه !!


دق الرقم : كيفك ... هلا فيك ... وأهليــن
أنــا الخـــوي اللـي مــــزعّــل خويـــه !!

قلّه : تغيب وصـــورتك داخل العين
ويبقــى لـ حـبك في خفـــوقي بقيــــــه !!

أخوان حنا لو يجي بيننا شيــن
و مانفتــــــــرق دام المحبـــــــة نديــــه!!

خلك قــوي لاتحتــــكرك الشياطين
قبل الفـوات وقبل وقت المنيــــــــــــــه !!

كلّم خويــك بـــ اطيب الهرج واللين
وأعرف جميل الهرج يمســــح رديــــــه !!

هذي هي الدنيا من الحين لـ الحين
لابد بين الــــناس تحصــــــل خطيــــــــه!!

ومن لايقدّر غلطــــة أحبابه الحيــن
يقـــــرأ حـــــروفي ويعتبرها هـــــديه !!

باكر تمر سنين وسنين وسنيـــــن
والــــــكل يرحــــل في الدروب المــــديـه!!

صدقني تندم وأذكر حروفنا زين
تندم على خــــلك إذا غاب ضيّــــــــــــــه !!


دنيا غريبــــة وأكثر الناس ماشين
وكم صــــاحبٍ والله دفنته بــ يديــــــــه!!



أرجو منك انك تسامحني أخي ............؟
قال تعالى (فمن عفا وأصلح فأجره على الله)

الموضوع الأصلي: ~.*'رسالة اعتذار '*.~, | | الكاتب: أمـــير بـكلمتي | | المصدر: شبكة بني عبس

[ابواثنين]

ان شاء الله مافيه اي زعل

ويكفي اعتذارك له

نابع من قلب اخ الي اخيه

[أمـــير بـكلمتي]

اقتباس من مشاركة ابواثنين ان شاء الله مافيه اي زعل ويكفي اعتذارك له نابع من قلب اخ الي اخيه

الله يسمع منك ويقبل اعتذاري
مشكور على المرور

[الـرونـق]

أميـــر بكلمتـــي

ان شاء الله يوصل له الاعتذار

ومافي زعل بين الاخوان

أشكرك على المبادره الطيبه


وتحياتي لك

[عايد2001]

انشالله يقبل عذرك

[أمـــير بـكلمتي]

الرونق & عايد
الله يسمع منكم

[البعيد الهادي]

أخوان حنا لو يجي بيننا شيــن و مانفتــــــــرق دام المحبـــــــة نديــــه!!

صح اللسانك ع ابيااات الاعتذار الصادقه ان شاء الله
واشكر ك على هذه المباادر الطيبه وهذه من شيم الرجاال
وان شاء الله انه يسااامحك بعد هذا الاعتذار النابع من القلب
والجميع اخوان كما ذكرت انت في الابياات المقتبسه
ونسأل الله عزوجل الهدايه للجميع
ودمت بحفظ الرحمن

[أمـــير بـكلمتي]

اقتباس من مشاركة البعيد الهادي صح اللسانك ع ابيااات الاعتذار الصادقه ان شاء الله واشكر ك على هذه المباادر الطيبه وهذه من شيم الرجاال وان شاء الله انه يسااامحك بعد هذا الاعتذار النابع من القلب والجميع اخوان كما ذكرت انت في الابياات المقتبسه ونسأل الله عزوجل الهدايه للجميع ودمت بحفظ الرحمن

البعيد الهادي والله لهو شرفأ لي مرورك
الله يسمع منك
تحياتي لك.............؟