[صميدع راس]

اقتباس من مشاركة ابن الخميلي يا مرحبا رديتن ترض المدير مع الوزير000في ليلتن فيها يطيب الكيف ويطير الغبار جيت البلد يوم البلد محكومه براي الامير000تبغى المشوره والعلوم الطيبه عند الخيار

ابك البقا ياصاحبي عداد ماطير يطير=والمعركة بيني وبينك لايمين ولا يسار
تقولها يالطرقي اللي شلت عفشك فالبعير=اشتال حملك فوق ظهرك نفذوا هذا القرار

[ابن الخميلي]

وشلون تبغى نشجعك ياللي يطيرك الصفير000وانا مسندها على جنبن مواثيقه كبار
رحلتك ياراع العلوم اللي على سلك الحرير000ياقربها في حرتن ماجالها خط ومطار

[الاجهر]

اقتباس من مشاركة ابن الخميلي وشلون تبغى نشجعك ياللي يطيرك الصفير000وانا مسندها على جنبن مواثيقه كبار رحلتك ياراع العلوم اللي على سلك الحرير000ياقربها في حرتن ماجالها خط ومطار

[صميدع راس]

اقتباس من مشاركة ابن الخميلي وشلون تبغى نشجعك ياللي يطيرك الصفير000وانا مسندها على جنبن مواثيقه كبار رحلتك ياراع العلوم اللي على سلك الحرير000ياقربها في حرتن ماجالها خط ومطار

انا صميدع راس كانك ياولد عقلك صغير=وسنتدها فوق الصميدع لين عاير بالعيار
ياصاحبي صبرك وراع الصبر موعود بخير=ياراعي الحره تبا تقنع ليا زيح الستار

[صميدع راس]

منور يالاجهر معاد شفناك عقب هاك الحفلة

[الاجهر]

اقتباس من مشاركة صميدع راس انا صميدع راس كانك ياولد عقلك صغير=وسنتدها فوق الصميدع لين عاير بالعيار ياصاحبي صبرك وراع الصبر موعود بخير=ياراعي الحره تبا تقنع ليا زيح الستار

[ابن الخميلي]

ارفع علومك لاتعود ان كان لك عقلن بصير000كرم رجالن ياصغير الذات من مار حرار
انته مضر بالنوازل وانت في هذي خبير000مثل علومك قبل ساعه يامدورة الصغار

[الاجهر]

اقتباس من مشاركة صميدع راس منور يالاجهر معاد شفناك عقب هاك الحفلة

الله ياطول عمرك - الامور طيبة ابشرك - والله قوطرنا يم الديرة ونشغلنا بشبت الصبح وشبت العصر