[نايف]

اقتباس من مشاركة عازف عاش رجال وضع كل شئ في الحساب ويحسب لمدخالها ويحسب لمظهارها شب نارك وانتبه للاياب وللذهاب والنوايا كلها ماعلمنا اسرارها معليش على التاخير يالربع ماعليك زود ياشاعر الوطن نتعلم منك

صورتك ياشيخ عازف على وجه الكتاب= شفتها والناس فيها تلد انظارها

لا تمد ايديك لسيف مصقول النصاب= استرح واسمع هل العرف واخذ اشوارها

[عازف]

اقتباس من مشاركة نايف صورتك ياشيخ عازف على وجه الكتاب= شفتها والناس فيها تلد انظارها لا تمد ايديك لسيف مصقول النصاب= استرح واسمع هل العرف واخذ اشوارها

الله الله استلم استلم

وانت يانايف ترى صورتك في كل باب

يالله انك تستر الناس ياستاااااارها

في يميني سيف وانته على عيونك ضباب
لاتجي بالمقبره يقبرك قبارها

[نايف]

اقتباس من مشاركة عازف الله الله استلم استلم وانت يانايف ترى صورتك في كل باب يالله انك تستر الناس ياستاااااارها في يميني سيف وانته على عيونك ضباب لاتجي بالمقبره يقبرك قبارها

صورتي دايم تجي مع عزيزين الجناب=باالشرف ولا انت صورتك ويش اشعارها

ياجماعه صاحبي مثل ضحضاح السراب= قلط الدله علينا بدون ابهارها

[عازف]

اقتباس من مشاركة نايف صورتي دايم تجي مع عزيزين الجناب=باالشرف ولا انت صورتك ويش اشعارها ياجماعه صاحبي مثل ضحضاح السراب= قلط الدله علينا بدون ابهارها

انت لاتجلس بسد الجبل بين الهضاب
تشتكي حر الليالي وجور أدهارها

ياجماعه وش جرا بالمنازل والزهاب
ردو السلعه على سايقين اسعارها

[صقيع الشتاء]

صح لسااااااااااااانكم
//


وماسك لك الصف يالعازف

[عازف]

صح بدنك وتسلم ياصقيع الشتا

[عازف]

اخوي نايف
تصبح ع خير استاذنك وراي دوام
ويعلم الله تشرفت باللعب معك وتصبح ع خير انت والموجودين

[نايف]

اقتباس من مشاركة عازف انت لاتجلس بسد الجبل بين الهضاب تشتكي حر الليالي وجور أدهارها ياجماعه وش جرا بالمنازل والزهاب ردو السلعه على سايقين اسعارها

انت تاكلك جمل في فم ٍمافيه ناب= فيك عله داخليه عرفت عيارها

مع رجال العرف مالك طعام ولا شراب=لوحتك مالت وانا راكز مسمارها