[طيار]

السلام عليكم ورحمة الله وبركاته

قصيدة للشاعرالمتألق أحمد عبيد الرشيدي لأحدى مناسبات الكويت وأهلها

أعظم الأشعار أرخص من اسمك يا(كويت)

اسمك أغلا من القصايد ومن روح أهله

يابلادٍٍ يحتويني غلاها واحتويت

الشعر والمفردات بغلاها محمله

جيت يابلاد العطاء اكتب قصيدي فيك جيت

يا أعذب الأسمى ويا اجمل بلاد مجمله

شاعرن ترجم مشاعر غلاه بكم بيت

يدفعه عشقه لكتب القصيد ويرسله

ينتهي عمري وأنا اشرب غلاك ومارويت

درةٍ متمكنه بالحشا ومتخلله

كيف؟ ابنسى أم ٍ وأنا بحضنها الدافي ربيت

وهجر الأم اكبر جريمة وما الله حلله

والله انك في حشا الروح ما دامي حييت

وان لك في داخل الروح بيت ومنزله

إن تكلمنا عن المجد يا (كويت) وبديت

باسم جابر ... جابر الخير من هو يجهله ؟

شيخ باسمه يسمو الشعر وبشعري سميت

عطر التاريخ في طيب قوله وعمله

كافل الأيتام له في دروب الخير صيت

الرحوم اللي بعطفه ستر كل أرمله

يا كثر يا أمير في حبك قلوبٍ سبيت

جعل قلبٍ ما يحبك يضيع دواء علله

يا أمير ٍ في بلادك وفي شعبك رقيت

يا (كويت) بطيب شعبك وأمير مكمله

يوم غيرك في الجرايم تطاول كل بيت

مجرم ٍ شيطان نفسه يسوقه وجهله

غير قتل الأبرياء والجرايم ما لقيت

كل هذا فعل صدام يوم الله خذله

يا خسيس الصيت غير الجرايم وشجنيت

دايم ٍ نفسك بفعل الخطايا مسوله

ايه يا الظالم وشلي من أعمالك خذيت

تحسبن إن آخر زمانك شبيهٍ بأ وله

غارق ٍ في فعلك الشين غافل ما دريت؟

إن ربي يمهل الظالم ولا يهمله

أخرتها كأنك الفار بالجحر اختفيت

دعوت المظلوم أصابت وربي ذلله

وانتهي يا كويت باسمك مثل مانا بديت

والقصيد فدى ترابك هو وروح أهله

بقلم : أحمد عبيد الهنيدي

الموضوع الأصلي: قصيدة (ياكويت ) للمتألق أحمد عبيد الرشيدي | | الكاتب: طيار | | المصدر: شبكة بني عبس

[العريض]

تسلم ع النقل لاهنت

[الـدولار]

لاهنت اخوي وتقبل مروري وتحياتي

[طيار]

اقتباس من مشاركة العريض تسلم ع النقل لاهنت

شكرا لمروركم خيو
لاهنتوو

[طيار]

اقتباس من مشاركة الـدولار لاهنت اخوي وتقبل مروري وتحياتي

لاهنت عالمرور خيووووو

[هديان الرشيدي]

صح السان الشاعر والله يحفظ الكويت وشعبها

[طيار]

هديان الرشيدي

شكرا للمرور

[المشعل]

صح الساااااااان الشاعر والله يحفظ الكويت واهلها

ويعطيك العاافيه طيار على النقل الراائع والاختيار الجميل

تحياتي لك