[حسـن]

صــيـــاف الــحــربــي

لولا حبال الصيـف مـالاح بـراق
علـى جبـال الطايـف المستديـره
انا ثلاث ايام واقـف علـى سـاق
والعازمي من دار يمسي في ديـره
حـبــيــب الــعــازمــي
لو ضاقت الدنيا على كيف ماضـاق
ملقاك يالحربـي تطـوف الجزيـره
ماني بواقفلك علـى بـاب الارزاق
كـلأ علـى كيفـه يدرهـم بعيـره
صــيـــاف الــحــربــي
من قو حرق الشمس يبسن الارياق
ماعـاد للعربـان بصـر وبصيـره
ازهم يالخيال والخيـل فـي اسبـاق
واكتب على خاتمك ريـس عشيـره
حـبــيــب الــعــازمــي
من عيش حر التمر في كل الاسواق
من لا لقى تمره يحصـل مضيـره
ترى لو اضيف وتشيـن الاخـلاق
وادنق في عيش الدويـش الدنيـره
صــيـــاف الــحــربــي
اثرك مثـل المـر ماعـاد تنـذاق
مايكسـب البيـاع وانتـه خشيـره
الساعه اربع بيني وبينـك افـراق
مايرقص المجنـون ويـدق زيـره

حبيب العازمي :


زلمـت بيـن اسليـم واولاد زراق
منته محصل كبـر حبـت شعيـره
تبا تذر الشمس في جهاد وارهـاق
واحطهـا ليلـه عليكـم مطـيـره
صــيـــاف الــحــربــي
شوف الذبيحـه علقوهـا بمعـلاق
انكـان سكينـك حديـد وشطيـره
حـبــيــب الــعــازمــي
لاوالله ألا حولـت فـوق الاعنـاق
ياصاحبي صيـاف سيرتـك سيـره
هبـي علينـا ياذعاذيـع الاشـواق
طاح العشاء والذيب وسط الحضيره
صــيـــاف الــحــربــي
عينك عيون الداب وارموشك ادقاق
لاكـن خيـره ياولـد روق خيـره
طب البحر واطلعك من تحت الاعماق
من شان لك مع حرب خوه وجيـره
حـبــيــب الــعــازمــي
في مامضى مانـي بخابـرك بـواق
وان بقتني جيتـك بدعـوه كبيـره
انتا تبل الـراس والمـوس حـلاق
حشرت نفسك قدم يـوم الحشيـره
صــيـــاف الــحــربــي
فالخط سيـاره وعشريـن سـواق
توالـدو مثـل السبـاع المغـيـره
عزالله انك صقـر طيـب ولاحـاق
لاكـن اصابعـك الاخيـره قصيـره
حـبــيــب الــعــازمــي
اللي سلق لك بيض ماهـو بسـلاق
دور على سـلاق مظبـوط غيـره
ياكبر راسك لو مع عضمك ادقـاق
في ساحت المرقص تخامس سميره
صــيـــاف الــحــربــي
ساعة ازلقت رجليك والخط مـزلاق
ياقـو جنيتـك اثـرهـا خبـيـره
بيني وبين المشكلـه سبـع وارواق
ياليـن صاحبـت الكـلا والعميـره

الموضوع الأصلي: صياف = حبيب( انا ثلاث ايام واقف على ساق) | | الكاتب: حسـن | | المصدر: شبكة بني عبس

[ناصر الخياري]

روووعة لاهنت ياحسن ..

[حسـن]

الله لايهينك ومشكور