[الوافي]

واليوم جبتلكم كم نوع من أنواع البنات بس أتمنى أنه محد يزعل مني لأن الصراحة في منهم كذا و شفته بعيني

خخخخخخ

1- الكشيخه:
هذي من تشم ريحة طلعة
تروح تطق لك الميك آب وتلبس ذاك اللبس وتقعد تتفخ بهالشعر
يعني مايهمها رايحه سوق ..جامعة..زيارة عائلية ...كاشخه كاشخه لوأن شاء الله تأخذ لفه حول البيت .
____________________________
2- الدلوعه :
الدلع غريزة في البنت .. يعني البنت إذا محد دلعها .. تدلع نفسها عادي ماتعوق معها
لكن فيه دلع عن دلع يفرق
الدلع الطبيعي..يااااااااااااااااااااحلوه
لكن الدلع المصطنع ..وووويييييييييع ع ع يغث يلوع الكبد ..ودك تشوتها إذا جات تتكلم.
______________________________
3- الكذابه :
هذي الكذب عندها ماشي سوقه .. تجيب لكم ذيك السالفة وتدري إنكم ماتصدقونها بس ماعليها من أحد
(سيارتي وسيارتي وهي حتى قاري ماعندها )

فلانه تدرين من خطبني فلان الفلاني أصل وفصل وجمال ووووو بس رفضته!!!!
وااااااي وين ماروح الكل معجب فيني بس انا مااعطي وجه
لايكون مارلين مونرو وانا مادري؟؟؟
واهيه زنوبة الضاحي أحلى منها
__________

4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معاه... ولو تقولها شفيج؟حذفتك بأكبر ما عندها
هذي لو تمر الذبانه عند خشمها ياويلها<<<راحت وطي الذبانه
____________________________
5-الملسونه :
عسى ما تقولها كلمه إلا ردت عليك بعشر
يعني تشوف صبي بحاااله مادرى عن أحد.. وتقول : شوفي هذا قليل الأدب من الصبح يلحقنا ..
مالت عليه ..يبيله أحد يأدبه.. لازم أهزئه عشان يحرم يلحق أحد!!!!! ..
_____________________________
6-القراااقه :
اووووووووووه هذي النوعية تخلي الواحد يصدع
يعني تسولف تسولف تسولف... ويالله سكتها إذا كنت شاطر
ومن وين تجيب هالسوالف ماأدري.. وأتحدى إن خلتك تسولف._____________________________
7- المسكينه :
فيه بنات مساكين لكن موب واجد .. هذولي البنات يرضون بأي شيء ..
كل شي عندها أيه اللي تبونه .. ماتعرف كلمة لا ...
لوتقطها بشبر ماي تغرق...
______________________________ _
8-فرفووووووشة:
يعني تحب الضحك والفرفشة والتعليق .. النكد والغم ماتعرفة .. وتتعب نفسياً اذا قعدت مع ناس دمهم ثقيل
وحتى لو كان مامعاها أحد يضحك ويسولف .. تروح تشوف وجهها بالمنظرة وتقعد تعلق على نفسها وتضحك .
______________________________ _
9-المغروورة:
ويااااكثر البنات اللي شايفين روحهم .. بعض البنات يحق لها تشوف نفسها..
لكن اللي مايحق لها .. على شنو شايفة نفسها ... ماأدري
ماتكلم الناس إلا من طرف خشمها ...
_____________________________
10-العنيدة:
في بنات راسهم ياااااااااااااابس
يعني إذا بغوا شي سووووووووووه وماهمهم أحد
تنجلد.. تنطق.. تنحبس.. تتصفق.. ترضخ فالعقال ..ماعليها أهم شي اللي في بالها سوته.
______________________________ _
-11الحنانه :
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس مو بالعناد لا بالدندره
يعني إذا بغت شي تقعد تحــــــــــــــــــــــــــــ ـن على راسك لما تعطيها اللي تبيه عشان تفتك من حنتها.
___________________________
12-الكريمة:
هذي عجيبه عسى ماتقول أبي شي إلا وهيه جايبته لك ..
وإذا راحت مكان خلصت اللي في البوك كله <<
______________________________
13- غيورة :
كل البنات يغارون لكن بنسبه تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة .
______________________________ _
14-القزيزة:
هذي لو تجيب طاري السوق وهي نايمه فزت
ودااااااايم الدووووم بالسوق ..لو ماتشتري بس تروح السوق شفاحه هذي هي هوايتها .
______________________________ ___
16-الشيفة :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها .
_______________________
-17 أم دميعة :
هذي لو تقولها ..هيه.. بكت
دمعتها قريبة وعلى طول تبكي.

ـــــــــــــــــــــــــــــــــــــــــــــ
-18 المليقة:
وهذي مسكينة غثيثه واهيه ماتدري تحاول تسولف وتجذب الانتباه بس محد صوبها سوالفها بايخه وغبيه وعبالها كلش أسكت مع سوالفها وغشمرتها ثقيلة وسخيفة.

الموضوع الأصلي: انواع البنات وطبعهم | | الكاتب: الوافي | | المصدر: شبكة بني عبس

[بنت الأصايل]

السلام عليكم ورحمة الله وبركاته


موضوع جميل وواقعي ( يعني ماراح نزعل )


لكن لاننسى البنت الطيبة 00 الخلوقه 00 الـ00000


وبعد ماننسى الولد الكشيخ 00 الكذاب 00 الــ0000


شكراً لك أخي الوافي


ويعطيك ألف عافية


00 دمــــ بخير ــــت 00

[مسندالعويمري]

14-القزيزة:
هذي لو تجيب طاري السوق وهي نايمه فزت
ودااااااايم الدووووم بالسوق ..لو ماتشتري بس تروح السوق شفاحه هذي هي هوايتها

اشوف السوق مليان حريم اكثر من الرجال

مشكوريا لوافي على الموضوع الجميل والواقعي

[بنت العبسي]

اقتباس من مشاركة الوافي 8-فرفووووووشة: يعني تحب الضحك والفرفشة والتعليق .. النكد والغم ماتعرفة .. وتتعب نفسياً اذا قعدت مع ناس دمهم ثقيل وحتى لو كان مامعاها أحد يضحك ويسولف .. تروح تشوف وجهها بالمنظرة وتقعد تعلق على نفسها وتضحك . ______________________________ _ -11الحنانه : هذي الفئة ماشيه على هالمثل..( كثر الدق يفك اللحام ) هذي ياويلك منها إذا بغت شي خذته بس مو بالعناد لا بالدندره يعني إذا بغت شي تقعد تحــــــــــــــــــــــــــــ ـن على راسك لما تعطيها اللي تبيه عشان تفتك من حنتها. ___________________________ 12-الكريمة: هذي عجيبه عسى ماتقول أبي شي إلا وهيه جايبته لك .. وإذا راحت مكان خلصت اللي في البوك كله << _____________________________ _ 14-القزيزة: هذي لو تجيب طاري السوق وهي نايمه فزت ودااااااايم الدووووم بالسوق ..لو ماتشتري بس تروح السوق شفاحه هذي هي هوايتها . ______________________________ ___ -17 أم دميعة : هذي لو تقولها ..هيه.. بكت دمعتها قريبة وعلى طول تبكي.

بصراحة هذي الــصفات فيني

ههههههههههههههههههه

يعني ما كذبت

[الوافي]

اشكركم على مروركم وهذ يشرفني

اشكر بنت عبس بنت الاصايل مسند العويمري

[إشراقة روح]

مشكور على الموضوع الحلو