[رشيد]

الصمت حكمه
==========
فهد بن عبدالعزيز الرميان



الصمت حكمه قالها راع الأمثال

** والصبر من طبع الرجال الحلاحيل

اصبر لو أن الصبر للحال سلال

** واثبت ولو كثرت عليك الغرابيل

عند الولي ربك لها ألف حلال

** اللي اخذ في قدرته صاحب الفيل

ما يتبع الغرات يا كود الانذال

** اهل النمايم والقلوب المغاليل

هراجة المجلس هل القيل والقال

** غير الخنا والكذب ماله محاصيل

بالوجه خلانٍ وايلا قفيت عذال

** وش عاد لو تلقى العواذل مداخيل

الحر يجزع ما ارتضى الذل رجال

** والرزق عند اللي يسوق المخاييل

اشره واشرِّه لي مطالع ومدخال

** وما واخذ الطيب ولو زاد بالعيل

لأهل الوفاء عندي مكانه ومنزال

** وادمح واعاتب حسب قدر الرجاجيل

وإلا الردي لابد ما فيك يحتال

** احسب حسابك لليال المقابيل

واشكر رجالٍ ترتكي مثل الاجبال

** عند المواجب لابةً توفي الكيل

سعد الرفيق اللي عليه الدهر مال

** شيء وكاد مثبتٍ جيل عن جيل

ومن لا يقول الحق ذا تايه ضال

** ومالك ومال أهل الهروج الدعابيل

الهرج واجد والمفاخر بالافعال

** أعطيك علمٍ صامل بالتماثيل

وافهم ترى الدنيا له قفاي واقبال

** ولو اقبلت تالي مرده على الميل

الصمت حكمه قالها راع الامثال

** والصبر من طبع الرجال الحلاحيل

الموضوع الأصلي: الـصـمــت حـكـمـــهـ | | الكاتب: رشيد | | المصدر: شبكة بني عبس

[محمدالذيابي]

الله يعطيك العافيه
قصيده رائعه
تقبل بحياتي000

[ابن سعيد]

قصيد جميله

صح لسان راعيها

ومشكور يا أخ / رشيد

على النقل

[رشيد]

سلمتم ولا ندمتم