[محمدالذيابي]

إذا المراجل لبسة شماغ وعقال


.................................دام الفعايل تشبه البعض دايم


المرجله ما هيب كلمه وتنقال


................................وتروح ما راحت هبوب النسايم


وإلا خشونة صوت أو رفع الأثقال


.................................أو رزة صدور وفعل الزلايم


ولا هي بعد مفتاح موتر وجوال


................................وإلا ردى لسانن حديثه شتايم


المرجله شيمه عن القيل والقال


.............................رفيع نفس )ن ( حر بالجو حايم


المرجله عقلٍ وزن وزنه جبال


.............................ودون العقل وش فرقنا والبهايم


يا مسندي لو مايل الوقت بي مال


.............................يا ولد أبويه يا عظيم العزايم


يا معرب الجدين من العم والخال


............................يا نخوة المفزوع وقت الهزايم


المرجله يا خوي هي طولة البال


...........................هي العزم هي الصبر فالظلايم


فيها الكرم عزه دله وفنجال


...........................مشى طريق الحق وابليس نايم


ومن لا عرف ربه في طيب الحال


............................لابد وقت الضيق بالهم هايم


حتى صلاتك مع جماعات ورجال


...........................في خيرها يا خوي نعم الغنايم


ولامن نصف ليلك قم صفي البال


...........................يا عظم أجرك بين ساجد وقايم


ولا من رفع ربي له كل الأعمال


...........................حسن الذكر لا قالو فلان صايم


وخلك شريف القصد يا طيب الفال


...........................سوء المقاصد فالبيوت الهدايم


واحذر تبيع النفس في دب الأنذال


.........................وتتبع خوي إبليس راع النمايم


النفس خيل لك إذا كنت خيّال


.........................ومن لا قوى نفسه قوته الهزايم



ولا صرت ما تدري لو يش أنت رجال



.........................والله خسارة فيك ذبح التمايم




doPoem(0)

قصيده اعجبتني00فاردت ان اضعها بين ايديكم00000

الموضوع الأصلي: قصيده روووعه أعجبتني ونقلتها لكم 000 | | الكاتب: محمدالذيابي | | المصدر: شبكة بني عبس

[سالم النويران]

ولاصرت ماتدري لويش انت رجال
والله خسارة فيك ذبح التمايم
حقا قصيدة رائعة وصح لسانك وتسلم على النقل

تقبل تحيتي

[محمدالذيابي]

اقتباس من مشاركة سالم النويران ولاصرت ماتدري لويش انت رجال والله خسارة فيك ذبح التمايم حقا قصيدة رائعة وصح لسانك وتسلم على النقل تقبل تحيتي

تسلم أخوي ومشكور لمرورك العذب

[سعد الشقل]

صح اللسانك اخوي علىى القصيده

لكن عندي سؤال

هل صاحب القصيده هو فواز الداوي؟

[محمدالذيابي]

اقتباس من مشاركة سعد الشقل صح اللسانك اخوي علىى القصيده لكن عندي سؤال هل صاحب القصيده هو فواز الداوي؟

شاكر لمرورك أخوي سعد
بالنسبه لي لاأعرف صاحبها
وياليت من الاخوان المساعده00

[بندر الذيابي]

صح الله لسان شاعرها

محمد الذيابي نقل جميل واخيتار موفق

يتسم عليك جبروت الذائقه الجميله


لله درك وننتظر جديدك

[عبدالله معزي]

اشكرك على حسن الاختيار نقل جميل
تحيـــــــــــــــــــــــــــــــــــــــــــــــ ـــــــــــــــــــــــــــــــــاتي

[الهنوف]

نقل رائع

شكرا لك على النقل ووفقك الله

دمت بخير
أختك الهنوف