[ميلاس]

السلام عليكم ...
قصيدهـ عجبتني فحبيت انقلها لكم .. عسىا تنال اعجابكم



أبد لاتسأليـن بغربتـي عـن آخـر الأخبـار
عمت عين السفر دامي أذوق المر من كاسـه!

أنا اللي بسألك قولي.. جواب بكلمتيـن صغـار
بلد من دونك (اش) يسوى بعيني؟ يابعد ناسـه

بدونك.. ما أطيق البعد لو هو بيننـا أمتـار!!
ولكن هالفراق أقـوى ولاينفـع بـه سياسـه

ترى لولا اتصالاتك.. برغم اللي يدق.. كثااااار
حشى مافيه أحد غيرك يرد لصـدري أنفاسـه

ألا ياشـوق خفـاق ٍ ضويتـي ظلمتـه أنـوار
وصار اليوم ينبض لك مشاعر حييييل حساسـه

تبي تدرين بفراقك معي يا الغاليه وش صـار؟؟
تبي تعرفين مجنونك وش اللي قالب ٍ راسـه؟؟

لك الله عايش بحالي/ لحالي.. شاعـر ٍ منهـار
وأنا كل ما طريتي لي صرخ شعري بقرطاسـه!

يمر يومي.. ولابه غير همـي والحـزن زوار
عسى الله يرحمه حال ٍ غدا هالثنيـن جلاسـه

شحن جوالي أنهيته!! أقفّل .. وافتحه أمـرار!!
قسم لولا رسايلنـا .. حبيبـك قاتلـه ياسـه!

فقدتك والدمع لامن ذكرتـك يفضـح الأسـرار
ولا أشره علـى وقـت ٍ بـه الأيـام دساسـه

أسلي نفسي بكثر الأمانـي.. واليديـن قصـار
وأنام وربي العالم وش اللي خاطري حاسـه!!!

كأني من ملك أسهم يبي تضحـك لـه الأقـدار
وقدّم كل ماعنـده.. وفجـأه أعلـن إفلاسـه!!

كأني طالـب بغربـه.. تذكّـر عيلتـه والـدار
وهو كل ماذكـر أمـه! مـلا هالدمـع كراسـه

أعاني كثر ماتملـك ومالـك بالحشـى تذكـار
و(أحبك) والبلا حبـك أبـد مـا أملـك قياسـه

جعل في داخلي عرق ٍ سمع بك يا الغلا ماثـار!
يموت.. و وش لي بعرق فوصالك ميت إحساسه

حياتي تسأليني عن جديدي بالشعـر وأحتـار؟
وش أكتب لك شعر وانتي غديتي اليوم نبراسه!

ولكن أوعدك شعـر ٍ لاقولـه يتعـب الشعـار
متى ماشفتك وموعـد لقانـا دقـت أجراسـه

لأن مافيني أتحمّل بعـادك فـي سفـر وانهـار
عسى لايعيدها سفره.. ولو هي كانت دراسه!!!

الموضوع الأصلي: ... { غ ـــــربــــــة وطــــن ... وغ ــــــربـة أحــــبـــآب } ... | | الكاتب: ميلاس | | المصدر: شبكة بني عبس

[سالم المظيبري]

يعطيج العافيه ع النقل
دمت بخير

[ناقد المحاوره]

يعطيكي اىلعافيه ذوق لاهنتي على النقل الجميل

[ميلاس]

مشكوررررررررين عالمرررررررررررور

[وشلون مغليك]

ميلاس

يعطيج العافيه على النقل الرائع تقبلي تحياتي

[مروان الرشيدي]

طرح رائع وقصيده جميله


يامال العافيه


تحياتي لك

[ميلاس]

مشكوررررررررررين عالمرور

اسعدني تواجدكم

[آهــذريــبــك]

قصيده رائعه
من شخص اروع
/
تسلمي ميلاس