ضــع اعــلانك هنا

غربي

قصيده
(الحلــــــــــم)
للشاعر/كريم الرسيدي
اتمنى ان تحوز على رضاكم
حلم العشب برق ورعود وسحابه
وحلمي امل لليوم باقي ولا مات
وحلم اليتيــــــــــــــم انه يجدد ثيابه
وحلم البنات المترفات الكريمات
وحــــــــلم الفقير انه يسدد حسابه
وحلم الغني اكيد بالانتخابات
واذا الخـــــــــــبل همه بقايا زهابه
هم الشجاع الحرب والانتصارات
اشوف بالدنيا اخــــــــتلاف وتشابه
من ناحيه زينه ومنا انتقادات
نكره غموض الاسئله والاجـــــــــابه
ونحب شي اسمه اختلاف الروايات
لان النقاش اليوم لو صك بابــــــــه
تموت بصدور الرجال الاجابات
ولا هـــــــــــمني هذا الزمان وسرابه
والمعمعه في عالم الاشتباكات
يهمنــــــــي لون الشفق وانسحابه
والليل لاغطى جميع المساحات
فـــيه اتذكر من تمكن صـــــــــوابه
اللي بحبه لي مسار وطموحات
اتــــــــــــــــذكر عيونه ولفت حجابه
واتذكر الضحكه وهمس البدايات
واول اسلـــــوب استخدمه في عتابه
اوقات يزعلني ويرضيني اوقات
والــــــــــيوم راح ومابقى الا غيابه
سنه ومرت وانتهى كل مافات
باقــي حروف اســـمه وقصة عذابه
صارت طريق للعالم الانكسارات
ابي انتظر مدري لـــــو الوقت جابه
يبقى الامل ماينقطع فيه بالذات
وماني وحيد الحب واشكي اصابه
كثير غيري مات من غير اصابات
والا فــــراقه صار لو كنت اهــابه
ماعاد غيره حل والا ختيارات
علامة اســـتفهام؟ وين الغرابه
الاغرب ان مفارقه تم بسكات
فجأه بدون اسباب قفت ركابه
ماقال خذ مني ولا قالي هات
ودي اعــرف اي طريق انتهابـــه
واي جهه مهما تطول المسافات
واعرف وش اسباب الغياب وذهابه
يمكن ضروف وللرجوع احتمالات
ودام القلم حلمه بصدر الكتابه
حلمي امل لليوم عايش ولا مات

الشاعر/كريــــــــم الرشيدي