[معيوف ابن زهيميل]

هذه المحاورة جرت بيني(معيوف ابن زهيميل) وبين الشاعر ابو صالح

ابو صالح

يوم شفت اسم معيوف مسجل(ن)بين الاسامي=قمت اجنبها عن المظمـاه للعـد الرهـاوى
وش تسوي بالعميد الي خذا منك الوسامـي=تل منك المنصب المرموق والبشت الحساوي

معيوف

ماتهون ولايهونون النشامى يالكرامي=وأنت رجالٍ عن التعريف محشوم وغناوي
من يحصل شيء من فعله عليّ أله احترامي=مار أنا مازلت فوق المنصب الزين أمتساوي

ابو صالح

ماعليكم زود يهل ا ضلع مرويت اظوامـي=والهدف بين الخشب والحاه يابعيد الهقاوي
البنا دم ون غداله شي ميـذوق المنامـي=وانت مثل الي يبا حاجته ترجع بالمنـاوي

معيوف

أنت أشوفك مندفع يمي ولاتعرف السلامي=والخشب ولحاه صار أكوام بالواد السناوي
بندقي من فوق متني والفشق ملي الحزامي=ماغدالي شيء والأحلام ماتحقق رجاوي

ابو صالح

اندفع لازلـت الاقـدام وختـل المقامـي=ونت صار ابماقفك تقصير يالحر انـداوي
شد حيلك وحتزم وثبت على صم العضامي=ونطح القومان في بندقك متفيد الحكـاوي

معيوف

جيتك فالوقت هذا كنها جيت حرامي=لكن أدري ماحدا مران غير الذيب عاوي
العرب بأمان وأنت تنوح مع نوح الحمامي=يارجل مافيه قومٍ غايره خل النخاوي

ابو صالح

انت متغيب عن الانظار يالحـر القطامـي=يوم شفت الحزب روحبه شليويح العطاوي
الامان ابعيد دام ا صفوفكم فيه انقسامـي=لاتغمطلها وانافوقك كما انجـم السمـاوي

معيوف

ماتغيب عن لزومي كان جاء يوم الزحامي=والعطاوي وظفه بالجيش عمدتنا العماوي
قايد أحزاب الجيوش الزرق مايحب النظامي=لكن الله وكلك من عين دار إلى الصداوي

ابو صالح

ماخذينـك مـن شفـاك ولنـت ويالنتقـامـي=ان حضرت بك المكاوي ون هربت ابك المكاوي
قايد الاحزاب صلابـك علـى ماقيـل شامـي=وارد اللمـان متقـاوم علـى واردعــراوي

معيوف

ألك كرعان البعير وخل ألي رأس السنامي=إن رحلت أثرك خلاوي وإن نزلت أثرك خلاوي
قايد الفيلق فعوله بالعداء تجلا الظلامي=الظلايم ماتسر القوم يالحظ الشقاوي

ابو صالح

نزلوك امـن لهـرم للقـاع مافيـه كلامـي=كيف تقسملي من ابعير(ن) هدر في بل شاوي
الله اكبر يالجروح الي على العربـان كامـي=ماتذوق انوم منـه وبتلـش فيـه المـداوي

وهذه الموالات التي جرت أثناء المحاورة :-

معيوف

الله الله

الجحش له ثلاث أيام ماداج لله=جعل بالأمر خير وجعل بالأمر خيره
وعمدة المنتدامقفي على آثار ظله=جعل بالأمر خير وجعل بالأمر خيره
وناصر الله واعلم ماعرف وش حصله=جعل بالأمر خير وجعل بالأمر خيره
وين الأجهرما شوفه ياعرب من فطله=جعل بالأمر خير وجعل بالأمر خيره
مالنا ألا الصبر والباقي أترك على الله=جعل بالأمر خير وجعل بالأمر خيره

ابو صالح

الجحش منصبك يابن زهيميـل تلـه=جعل بالأمر خير وجعل بالأمر خيره
وعمدة المنتدا فعل الجحش جايزلـه=جعل بالأمر خير وجعل بالأمر خيره
وناصر اصويحبك مابقين غيري ظله=جعل بالأمر خير وجعل بالأمر خيره
وينه الجهر الغيبـه مهـي عادتلـه=جعل بالأمر خير وجعل بالأمر خيره
ذخرنا سيف ابو حدين نبغـا نسلـه=جعل بالأمر خير وجعل بالأمر خيره

معيوف

ياابو صالح نبا هالمنتدا نستحله=جعل بالأمر خير وجعل بالأمر خيره
أركس الجحش وأنا أكسر يد اللي يحله=جعل بالأمر خير وجعل بالأمر خيره
ذا جحش مله مذهب عندنا ولاله مله=جعل بالأمر خير وجعل بالأمر خيره
لو تركنا الجحش فالمنتدا خرب كله=جعل بالأمر خير وجعل بالأمر خيره
مير فل الشريط إن كان ودك تفله=جعل بالأمر خير وجعل بالأمر خيره

ابو صالح

انبز المنتـدا نبغـا نغيـر محلـه=جعل بالأمر خير وجعل بالأمر خيره
لكن الجحش عمدتنا علينـا يدلـه=جعل بالأمر خير وجعل بالأمر خيره
الجحش نظرتة يم بنجـوم المطلـه=جعل بالأمر خير وجعل بالأمر خيره
امعركه بين حزب ومعركه بين شله=جعل بالأمر خير وجعل بالأمر خيره
الكيد ان لقيت الجحش حمله حلـه=جعل بالأمر خير وجعل بالأمر خيره

الموضوع الأصلي: محاورة وموال(الجحش له ثلاث أيام ماداج لله=جعل بالأمر خير وجعل بالأمر خيره ) | | الكاتب: معيوف ابن زهيميل | | المصدر: شبكة بني عبس

[ابوصالح]

الله يبيض وجهك يابن زهيميل على تنسيق الرئع والجهد الي ماهوهين
ولاقول الا الله لايهينك ويكثر من مثالك
وفعلك خلاني خرب الرقم المميز ورد عليك غصب
هههههههههههه راح 888

[عبدالعزيز الخياري]

تسلم يامعيوف على التنسيق

والمحاوره الرائعه ولايهون ابوصالح

تقبلوووووووووو تحياتي

[ناصر خنيفر]

عاشو عاشو محاوره جميله ايه انتهزتم الفرصه وقعتم تسولفون على كيفكم
ياخوان يقول سالم الزير ان الجحش مات ومن كلام الزير مابين الجحش
و حبيت ارثا صديقي الجحش بهذه الابيات

لاوحلالات ياصحبي = كليه سلم على الشايب
الجحش عطب المظاريبي= يوم الردي بالقا هايب
من عقب مايذبح الذيبي =اليوم عن ذبحته تايب
تبكيه خضر الرعابيبي= في روضتن عشبها ذايب
والله ياعالم الغيبي = ترد جحشن لنا غايب

[بدرالبدر]

اقتباس من مشاركة ناصر خنيفر عاشو عاشو محاوره جميله ايه انتهزتم الفرصه وقعتم تسولفون على كيفكم ياخوان يقول سالم الزير ان الجحش مات ومن كلام الزير مابين الجحش و حبيت ارثا صديقي الجحش بهذه الابيات لاوحلالات ياصحبي = كليه سلم على الشايب الجحش عطب المظاريبي= يوم الردي بالقا هايب من عقب مايذبح الذيبي =اليوم عن ذبحته تايب تبكيه خضر الرعابيبي= في روضتن عشبها ذايب والله ياعالم الغيبي = ترد جحشن لنا غايب

هههههههههههههههههههههههههههههههه

هلا ابو تركي

اخبارك

بشرني وشلون الجماعه الي عندك

وبلغهم سلامي

[ناصر خنيفر]

اقتباس من مشاركة بدرالبدر هههههههههههههههههههههههههههههههه هلا ابو تركي اخبارك بشرني وشلون الجماعه الي عندك وبلغهم سلامي

هلا بدر ابشرك كل شي على مايرام وسلامك ياصل

[سلمان]

ماعليك يابو تركي


الجحش مايروح بعيد يجي بإذن الله


لكن يمكن عنده ظروف

[ابوصالح]

اقتباس من مشاركة ناصر خنيفر عاشو عاشو محاوره جميله ايه انتهزتم الفرصه وقعتم تسولفون على كيفكم ياخوان يقول سالم الزير ان الجحش مات ومن كلام الزير مابين الجحش و حبيت ارثا صديقي الجحش بهذه الابيات لاوحلالات ياصحبي = كليه سلم على الشايب الجحش عطب المظاريبي= يوم الردي بالقا هايب من عقب مايذبح الذيبي =اليوم عن ذبحته تايب تبكيه خضر الرعابيبي= في روضتن عشبها ذايب والله ياعالم الغيبي = ترد جحشن لنا غايب

ههههههههههههههههههه
الجحش ضيع الحزب لاكن خصم عليه لادوم
ريس الحز ب المكلف معيوف ابن زهيميل
الهبه له بدعاه غيب شمس الجحش
ههههههههههههههه