[سعد البويدي]

اهدي لمنتدى شبكة عبس قصيدة للشاعر المبدع (( بذر بن معاود المظيبري الرشيدي)) والتي القاها بإحدى المناسبات والتي اتمنى أن تنال اعجابكم


ياقبايل عبس

ياقبايـل عبـس عدنانـي نسبهـا=والشجاعه والكرم تـاج أومراهـا
قبل لم الشمـل محسـوبٍ حسبهـا=وعقب لمه من هدى العالم هداهـا
والقبايـل كلهـا تجمـع سربهـا=دون حد احدودهـا تنطـح اعداهـا
مرحبـا ترحيبـةٍ يشعـم لهبـهـا=من خلقنا الله وهي يشعـم سناهـا
مانطفـي نارهـا نوقـد حطبـهـا=سلمنـا سلـم القبايـل واحدداهـا
وان غـزو ذيدانـا حنـا جنبـهـا=وان خذوها عقبهـا ناخـذ اثرهـا
مايتهنـا واحـدٍ عـنـدة طلبـهـا=مايتهنا والرشيـدي مـن وراهـا
يشهـد التاريـخ والكاتـب كتبهـا=شيخ عبدالله وابـن تايـه حكاهـا
من كلام اخصامنـا ناخـذ هدبهـا=والسحابة والرعـد فـي منتهاهـا
ويشهد السيف المصقل فـي لببهـا=والشجاع اللي على السربة حداهـا
لين جاء عبدالعزيز اطفى غضبهـا=حل فـي نجـد العذيـة واوتلاهـا
بالشجاعة والسياسـات اكتسبهـا=لين خلا النـاس تأمـن بقصراهـا
رايـة التوحيـد باليمنـى قضبهـا=وكل شيخٍ بايعه يمسـك عصاهـا
لين ساد الأمن من عرعر اليا ابها=عرض والا طول من ماها لماهـا
وبسم من يحصي عجمها مع عربها=بأول اللي قلـت واخـر منتهاهـا

الموضوع الأصلي: ياقبايل عبس | | الكاتب: سعد البويدي | | المصدر: شبكة بني عبس

[ابوصالح]

صح السان الشاعر بذر معاود الرشيدي
على المعلقه الثامنه
ولا هنت اخوي سعد على نقل المميز

[بـنـدرآلـرمـيـح]

صح لسانه

وبيض الله وجهك على النقل

[سعد البويدي]

اقتباس من مشاركة ابوصالح صح السان الشاعر بذر معاود الرشيدي على المعلقه الثامنه ولا هنت اخوي سعد على نقل المميز

[SIZE="4"]ابوصالح

صح بدنك نيابه عن شاعرها

ولاهنت على مرورك العطر

وتحياتي

سعدالبويدي[/SIZE]

[المقوعي]

صح لسانه

وبيض الله وجهك على النقل

[صاطي الرشيدي]

سعد البويدي صح للسانك وللسان الشاعر قصيدة جميلة وبارك الله فيك

[المسافر]

يعطيك الله الف عافية







.......,

[سعد الشقل]

صح اللسان الشاعر بدر بن معاود

ويعطيك العافيه على نقل القصيده الرائعه