[ريتال الداموك]

،؛،.. البارحة ..،؛،

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت

الموضوع الأصلي: من روائع بن فطيس....‘‘‘البارحه‘‘‘ | | الكاتب: ريتال الداموك | | المصدر: شبكة بني عبس

[سالم الرشيدي]

صح السان الشاعر المبدع

محمد بن فطــيـس

ومشكوره اختى على الموضوع الرائع ولاهنتي

[جنان الداموك]

إختيااااار رااائع تسلمي على النقل الجميل لا هنتي

[صقيع الشتاء]

حارت دموعي في عيوني وصديت ..
.. وأرمشت مابيها تبين .. وطاحت

//

تحياتي لك على ماتملكيه من ذائقة

شكرا

[برق الوسم]

ذوووق
تسلمين ريتال ع نقلها لنا
تقبلي مروري

[ლ..عذبة الاطباع..ლ]

صح لسااااااااااااااان شااعرنا المبدددددع

وربي يسعدك ع النقل يااعسل

[ريتال الداموك]

سالم الرشيدي
جنان الداموك
صقيع الشتاء
برق الوسم
كلي غلا
ألف شكر لمروركم الجميل العطر...لاهنتوا

[ابن فجوان]

شاعر غني عن التعريف وصح لسانه
وسلمت يديك أختي رتال على الأختيار والنقل
تحياتي وتقبلي مروري