[مسندالعويمري]

السلام عليكم ورحمة الله وبركاته

مدخل

عندما تطعن من الخلف
لن يدمل الجرح
مهما قدمت لك من أسباب
واعذار ....
في بعض الأحيان يلبس الثعلب ثوب العفة
ويتصيد فريسته في الخفاء
ولكن ...يضل ثعلب والمكر من صفاته

عندما يتكلم الصمت

عجزت لألقى لحلمي العام تفسير=أرويه وأهل العلم ما يفسرونه
وصايـر مقابيـل الليالـي مدابيـر =ويبين لأهل العلم ما يجهلونه
علي من وقتي ورود ومصادير=تعل صبر يابسات شنونه
أركض ومركاضي خلاف الأساطير=لعيون ناس واقعي ينكرونه
يا مصور وقت الضحى لعيني عصير=ماني بمن يرضى حياة المهونة
شوفي حقاق ولأنخدع بالتصاوير=أقدي الأعمى لعميت عيونه
صفيت لي شرد الطواري طوابير=وكدن على بالي وجنت جنونه
وأدركتني بمعجزات التفاكير=وبالي بروجتهن تخالف ظنونه
وردت لك دلو الروى جمة البير=يوم إن طاوين الرشى يقصرونه
ومن مأحتسى لوقت الشدايد مذاخير=لا طاح صدقان الرخى يتركونه
كم عز مضيوم بظل المناعير=وكم من عزيز لابته يخذلونه
وصبري جمر ومكابرك نافخ الكير=يا نافخ جلاسه يسامرونه
ما باق لنفسي على الوضع تصبير=وصياحي الطرشان ما يسمعونه
أكثر من اللي صار وش باقي يصير=كسرت خاطر من فدنك عيونه
ولو للخطأ معذر وللجرح تبرير=ما سقت لي سود الخطايا معونة
بعض الخطايا ما تغفرها المعاذير=وراع الخطأ يلقى من يعدلونه
لأخطيت في حقك ولا جاك تقصير=والواجب إن اللي يصونك تصونه
عيب علي أتعب وراك المداوير=لأقفيت راضي والنفوس مغبونه
الله يجمعنا على البر والخير=وألا يفرقنا بستر ومصونة.

الموضوع الأصلي: صبري جمر | | الكاتب: مسندالعويمري | | المصدر: شبكة بني عبس

[العقاد]

صح لسانك يابوخالد قصيده جميله
شكرا

[مسندالعويمري]

اقتباس من مشاركة العقاد صح لسانك يابوخالد قصيده جميله شكرا

صح بدنك اخي العقاد والاجمل مرورك

[نايف ابن عليثه]

كم عـز مضيـوم بظـل المناعيـر وكم مـن عزيـز لابتـه يخذلونـه

الله على القصيد الجزل ..

استمتعت بقرأتــ القصيد الفريد من نوعه ..

صح الله لسآنكـ ..

ودمت مبدع ..

[البعيد الهادي]

ابو خاالد
صح اللساانك وتعلاشاانك
على هذه القصيده الجزله . دائم معودنا على كل مااهو جديد
ودائماً تنثر لنا من اجمل الفرائد المدفونه يااابو خاالد
ولكن المهنى براس الشااعر . غير المثل الاول هههههههههه
ويبقى الشعر المدفووون يتجدد معك يااابو خاالد
والله يعطينا من خيرك ويكفينا شرك ههههههههه
والسسسسلام اختاااااااااااااااام

[مسندالعويمري]

اقتباس من مشاركة نايف ابن عليثه الله على القصيد الجزل .. استمتعت بقرأتــ القصيد الفريد من نوعه .. صح الله لسآنكـ .. ودمت مبدع ..

هلا بك نايف ابن عليثه وسعيد جدا في مرورك وعجابك
ودمت بعز وشموخ وعافيه

[المشعل]

مسند العويمري

يعطيك العاافيه

ابيات جزله لاهنت وصح السانك

تحياتي لك

[مسندالعويمري]

اقتباس من مشاركة البعيد الهادي ابو خاالد صح اللساانك وتعلاشاانك على هذه القصيده الجزله . دائم معودنا على كل مااهو جديد ودائماً تنثر لنا من اجمل الفرائد المدفونه يااابو خاالد ولكن المهنى براس الشااعر . غير المثل الاول هههههههههه ويبقى الشعر المدفووون يتجدد معك يااابو خاالد والله يعطينا من خيرك ويكفينا شرك ههههههههه والسسسسلام اختاااااااااااااااام

طول عمرك تفهمها وهي طايره ياالبعيد الهادي
ولعل المناسبه العامة للقصيده تفهم