عجزت لألقى لحلمي العام تفسير=أرويه وأهل العلم ما يفسرونه
وصايـر مقابيـل الليالـي مدابيـر =ويبين لأهل العلم ما يجهلونه
علي من وقتي ورود ومصادير=تعل صبر يابسات شنونه
أركض ومركاضي خلاف الأساطير=لعيون ناس واقعي ينكرونه
يا مصور وقت الضحى لعيني عصير=ماني بمن يرضى حياة المهونة
شوفي حقاق ولأنخدع بالتصاوير=أقدي الأعمى لعميت عيونه
صفيت لي شرد الطواري طوابير=وكدن على بالي وجنت جنونه
وأدركتني بمعجزات التفاكير=وبالي بروجتهن تخالف ظنونه
وردت لك دلو الروى جمة البير=يوم إن طاوين الرشى يقصرونه
ومن مأحتسى لوقت الشدايد مذاخير=لا طاح صدقان الرخى يتركونه
كم عز مضيوم بظل المناعير=وكم من عزيز لابته يخذلونه
وصبري جمر ومكابرك نافخ الكير=يا نافخ جلاسه يسامرونه
ما باق لنفسي على الوضع تصبير=وصياحي الطرشان ما يسمعونه
أكثر من اللي صار وش باقي يصير=كسرت خاطر من فدنك عيونه
ولو للخطأ معذر وللجرح تبرير=ما سقت لي سود الخطايا معونة
بعض الخطايا ما تغفرها المعاذير=وراع الخطأ يلقى من يعدلونه
لأخطيت في حقك ولا جاك تقصير=والواجب إن اللي يصونك تصونه
عيب علي أتعب وراك المداوير=لأقفيت راضي والنفوس مغبونه
الله يجمعنا على البر والخير=وألا يفرقنا بستر ومصونة.

اقتباس من مشاركة العقاد (المشاركة 1494596) صح لسانك يابوخالد قصيده جميله شكرا

كم عـز مضيـوم بظـل المناعيـر وكم مـن عزيـز لابتـه يخذلونـه

الله على القصيد الجزل ..

استمتعت بقرأتــ القصيد الفريد من نوعه ..

صح الله لسآنكـ ..

ودمت مبدع ..

اقتباس من مشاركة نايف ابن عليثه (المشاركة 1494653) الله على القصيد الجزل .. استمتعت بقرأتــ القصيد الفريد من نوعه .. صح الله لسآنكـ .. ودمت مبدع ..

اقتباس من مشاركة البعيد الهادي (المشاركة 1494677) ابو خاالد صح اللساانك وتعلاشاانك على هذه القصيده الجزله . دائم معودنا على كل مااهو جديد ودائماً تنثر لنا من اجمل الفرائد المدفونه يااابو خاالد ولكن المهنى براس الشااعر . غير المثل الاول هههههههههه ويبقى الشعر المدفووون يتجدد معك يااابو خاالد والله يعطينا من خيرك ويكفينا شرك ههههههههه والسسسسلام اختاااااااااااااااام