[سعد الشقل]

بتال

ابتدى سرد القوافي وتدريس العلـوم=ياسلامي عد مـالاح بـراق البـروق
انت يازحزيح تدري على حسب السلوم=من يجيب الطيبه مثلها منـي يـذوق

زحزيح

مرحبا ياللي عيونك تناظر للنجوم=وافطن اليا جاك زحزيح وحصانه سبوق
الليالي بعضها ماتجيب الا الهموم=مير غن وريح البال وتزين الطروق

بتال

بعد ماوجهتها هبة ارياح السمـوم=البقا يلي عيونك على القبله تشوق
كان سريت القدم حط عينك للرجوم=اليالي ذيبها يعرف عيون السروق

زحزيح

مشكله لو كنت طرقي وانا مالي لزوم=كيف يابتال بدري تبى لزم الحلوق
انت يابتال تبتل على درب العموم=وانت تحمل رخصة ٍ غش ماتعرف تسوق

بتال

هب يازحزيح مقلع على متـن الغيـوم=لو بغينا نكرمه جفت ادمـي العـروق
هكذا قبس الفتيله وذا ظـرب السهـوم=وانت لو نذن توجه على شمس الشروق

زحزيح

السلامه يالسنافي تراها ماتدوم=كم فارس معتبر مير في راسه فلوق
أعرف ان المجد ماينبنا ليله ويوم=واعرف ان الناس ماهي سوى فيها فروق

بتال

الندامه ماتفيد الـردي وابـن الرخـوم=طيعني واقبل كلامي وانا صاحب صدوق
وانت مجدك دايم اتشوفه بحلو الحلـوم=لكن انه صعب دام الغطا صابـه فتـوق

زحزيح

الشعر كلمه ولا له على الشعار لوم=واكثر الشعار شاعر يساق ولايسوق

الموضوع الأصلي: زحزيح × بتال | | الكاتب: سعد الشقل | | المصدر: شبكة بني عبس

[بتاال]

لاهنت


يالشقل سعد


وشكرا على التنسيق

[بنت العبسي]

محاورة راائعة الله يحميهم

والف شكر اخوي سعد على تنسيقها فقد كان راائع

مثل روعة المحاورة نفسـها ...

[ابو براك الرياض]

لاهنت


يالشقل سعد


وشكرا على التنسيق