ابتدى سرد القوافي وتدريس العلـوم=ياسلامي عد مـالاح بـراق البـروق
انت يازحزيح تدري على حسب السلوم=من يجيب الطيبه مثلها منـي يـذوق

مرحبا ياللي عيونك تناظر للنجوم=وافطن اليا جاك زحزيح وحصانه سبوق
الليالي بعضها ماتجيب الا الهموم=مير غن وريح البال وتزين الطروق

بعد ماوجهتها هبة ارياح السمـوم=البقا يلي عيونك على القبله تشوق
كان سريت القدم حط عينك للرجوم=اليالي ذيبها يعرف عيون السروق

مشكله لو كنت طرقي وانا مالي لزوم=كيف يابتال بدري تبى لزم الحلوق
انت يابتال تبتل على درب العموم=وانت تحمل رخصة ٍ غش ماتعرف تسوق

هب يازحزيح مقلع على متـن الغيـوم=لو بغينا نكرمه جفت ادمـي العـروق
هكذا قبس الفتيله وذا ظـرب السهـوم=وانت لو نذن توجه على شمس الشروق

السلامه يالسنافي تراها ماتدوم=كم فارس معتبر مير في راسه فلوق
أعرف ان المجد ماينبنا ليله ويوم=واعرف ان الناس ماهي سوى فيها فروق

الندامه ماتفيد الـردي وابـن الرخـوم=طيعني واقبل كلامي وانا صاحب صدوق
وانت مجدك دايم اتشوفه بحلو الحلـوم=لكن انه صعب دام الغطا صابـه فتـوق

الشعر كلمه ولا له على الشعار لوم=واكثر الشعار شاعر يساق ولايسوق