[مبارك السوارج]

السلام عليكم ورحمة الله وبركاته ( اقدم لكم هذه الابيات .. المتواضعه واتمنى ان تحوز على رضاكم )

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قالو تسج وقلت انا وين اسجي=ما اشوف لسجه بقلبي مزاجي

وجدي وجود اللي من اليتم دجي= ورعن صغير ولا لقاله معاجي

عليك يا سيد البنات الغنجي=يا الجادل المملوح زين الحجاجي

يا عود موزٍ تحته المي نجي= مركوز ما به ميلةٍ واعوجاجي

ما جاه حر ولا تعرض لعجي=مصيون عن لفح الهوا والعجاجي

يا بو ثمان ٍ صف ما هن فلجي= والخد براق ٍ سراله لعاجي

عين الفريد اللي تذير وهجي= اقفا وهف وحال دونه زراجي

طرقاٍ من الخفرات ما هي عبجي= عمهوجة ٍ لبست من الزين تاجي

ما تاصله رجلي ولا من مرجي= عندي وعني بعد هضبة سواجي

وانا ماحب العوج واهل العوجي= اداري السمعه وهرج السماجي

عسا السحاب الغر فوقه يكجي= من نو مزن ٍ بأرضه السيل راجي

لين الخضار يعج مع كل فجي= ويرتاح راع الابل وراع النعاجي

رحمه من اللي يم بيته نحجي=مشفي المريض اللي يدور علاجي
[/poem]

اخوكم : مبارك السوارج

الموضوع الأصلي: قالو تسج وقلت انا وين اسجي .. ( مبـارك السوارج ) | | الكاتب: مبارك السوارج | | المصدر: شبكة بني عبس

[عيسى محمد]

مبارك السوارج

هنا الابداع والتميز
صح الله السانك ملايين

[عبس404]

صح لسانك يا بورشيد وقصيده جزله من شاعر جزل

[فازع الرشيدي]

مبارك صح السانك

وعندي ملاحظه
قالو تسج وقلت انا وين اسجي====ماشوف لسجه بقلبي مزاجي
اللي هذي البيت
عليك ياسيد البنات الغنجي\\\\ يالجادل المملوح زين المحاجي
عليك ياسيد البنات الغنجي مكسور

من وجهت نضري

تحياتي لك

[مبارك السوارج]

لاآ هنتو على المرور

[الشبيح 404]

صح لسانك شاعرنا الكبير مبارك السوارج وننتظر جديدك
تقبل مروري

[الشاعر المجهول]

صح لسانك
واعتلا شانك
اخوي مبارك
قصيدة وافية من شاعراً وافي

[الخفاش]

صح لسانك

الله يوفقك