[kliaml1]

آسف انا في حبي لك تسرعت
ظنيت الاقي فيك شيٍ فقدته

كنت احسبك مجروح مثلي تولعت
جربت فرقى شخص قبلك وهبته

كنت احسبك من مر جرحك تجرعت
حبيت فيك احساس طفلٍ لمحته

لو قلت آآآه بوسط روحي توجعت
ولو شفت دمعاتك شعوري سكبته

ولو تطلب عيوني ابد ماتمنعت
واعطيك قلبي لو بعد ما طلبته

وصلت بك .. اعلى مكان وتربعت
وفي قلب غيري يالغضى ما وصلته

واصبر على صدك واشوفك تدلعت
واعطيك ود وما اظنك حسبته

اذهلتني بطباعك .. اللي تطبعت
حتى قصيدي فيك ابد ما فهمته

لو كان غايتك حروفي .. انا بعت
وافرح بجرح الشاعر اللي جرحته

وأرجوك من صدك تراني تشبعت
خلك مع اللي عاجبك او .. عجبته

يكفي قهر في جيتي لك تواضعت
تركت غيرك لجل عينك .. وبعته

ياليتني عن حب مثلك .. ترفعت
ياليت قلبي قبل اعرفك دفنته

لكن اببعد دامني بك توهقت
الله يرحم حبنا اللي .. ذبحته

انا شريت الود والحين انا بعت
وانا عطيتك قلبي اللي قهرته

في يوم جيتك اطلبك ود واقنعت
نفسي بانك شخص عادي عرفته

كمل حياتك مثل ما انا توقعت
تبقى اسير الماضي اللي فرضته

ولا يحزنك اني غلطان وتراجعت
حولك بدالي الف شخص عجبته

اما انا لا يمكن اخضع ولا طعت
يحرم علي اعطيك قلبٍ خذلته

باريحك من شوفتي يوم قاطعت
اسلوبك اللي به تجامل .. كرهته

غلطان يا المقفي انا ما تتبعت
غيري يتابع خطوتي ماتبعته

ما ينحني راسي لو اني تقطعت
وماهو انا من لا رميته .. لقطته

وان كان غرك حكي عذالي وطعت
الله يعلم كيف قلبي.. سكنته

اللي ملا قلبك علي وتسمعت
خله يعوض شخص مثلي خسرته

انا بمافيه الكفايه تولعت
واللي بقى من قلب فيني .. حرقته

باول لقى سلمته احساسي وضعت
غلطت حياتي يوم قلبي .. سلبته

واستسمحك فالبعد كاني تراجعت
ماعاد ابلقى فيك شي .. فقدته

طبعك مثل غيري وطبعي كما كنت
احب شخص ولا تركته .. تركته

الموضوع الأصلي: يمكن تسرعت ........... | | الكاتب: kliaml1 | | المصدر: شبكة بني عبس

[بدر حيي]

صح لسانك
ولا هنت
تحياتي

[(ابوعواض)]

الله الله

لله درك يارجل ابدآآعت بقووه

والله انها كلها روعه هذا القصيد اللي متعوب عليه

يعجب كل من يقراء تحيآتي لك وفآلك الجنه


ننتظر جديدك

[(ابوعواض)]

الغريب انها منتشره قبلك الف مره ....

[~:(دلال):~]

...صح لسآنكـ ...