[سالم الرشيدي]

قصيده روووووعه اعجبتني للبحر الميت


ارجوك بعض المشاعـر لاتهزهزهـا
تـرى المشاعـر تألـم عنـد راعيهـا

وترى النفوس العزاز الها حواجزهـا
وحواجز النفس ستر (ن ) من خوافيها

لا تقول لك كلمة (ن) تحسبك تحرزها
وتطيح لاقمـت منهـا منـت قاويهـا

وان قلت لك كلمة (ن) حاول تركزهـا
ولا ترى الصمت خير (ن) من حكاويها

ودعواك لاصار مـا تقـدر تنجزهـا
ازبن على واحد (ن) ساعـه وينهيهـا

ولا تجود علـى صبـر (ن)يعجزهـا
وتجيك في وسـط بيتـك مـا تناديهـا

وكم واحد(ن) حاجتها بالصدر يكنزهـا
من قـل مـن يستمعلـه يـوم يبديهـا

يخشى مـن اللـي يهمزهـا يلمزهـا
يضحك بعض ناس لاكن نـاس يبكيهـا

وشكواك لابن الردي حذر(ن) تعنزهـا
يفضحك وتروح فيهـا وانـت كاميهـا

وعليـك تكبـر ولا تقـدر تميـزهـا
وتضيع في طوشة(ن) تبلـش بتاليهـا

والسالفـه يقـدر الـواحـد يلفـزهـا
ويقدر على ناس مـن شكلـه يمشيهـا

ولاتشغلك حرمة(ن) منـت متجوزهـا
تطرد وراهـا وغيـرك يهتنـي فيهـا

ولا يفرحك شوف الارنب لو تنقزهـا
مـادام مـا شفتهـا بالنـار شاويـهـا

ولاتحسب (ن) الذهب باي يد(ن) يزها
ترى الذهب مـا يغيـر لـون اياديهـا

والنفس حاول بحـد اقصـى تعززهـا
نفس(ن) بـلا عزهـا مانـي مداريهـا

والنـاس لاتقـوم بعيونـك تخززهـا
احمد على العافيـه واسلـك مماشيهـا

ومن طاوع النفـس تشقيـه بغرايزهـا
ومن طاوع العقل يسلم مـن بلاويهـا

والمرجلـه ماتحـب اللـي يهاوزهـا
تبي لهـا واحـد(ن) دايـم يحاضيهـا

واللي عيونـه مـع الظلمـا يغمزهـا
ماحد(ن) درى عن عيونه لـو يعنيهـا

ونفيستـك وانـت فانـي لاتغزغزهـا
المقبـره بأنتظـارك وانـت ناسيـهـا

والنـاس دورات قادرهـا بعاجـزهـا
ماخلـق جنـه ونـار وزعـوا فيهـا

وناس(ن) مع الله وناس ابليس ناغزهـا
سبحان من ظل نـاس ونـاس هاديهـا

وناس(ن) تعلـت وعلتهـا مراكزهـا
وناس(ن) تبي الطيب مير الطيب فاحيها

وناس(ن) تحفز ومعروف(ن) تحفزهـا
وناس(ن) تبي مـن يشيمهـا ويعطيهـا

وناس(ن) تلعوز وتسلم مـن تلعوزهـا
وناس(ن) مع اللعـوزه تبطـي لياليهـا

وناس(ن) تبي نبز ناس وناس تنبزهـا
نابـز ومنبـوز ليـن المـوت يفنيهـا

وناس(ن)عجز رزقها يكمل عوايزهـا
لاهـي فقـارا وهـي مالله مغنيـهـا

حتى العجايز تبي نـاس(ن) تهمزهـا
العافيـه والظـنـا مـاهـو مكفيـهـا

وان قمت اعانـد تفاكيـري وابارزهـا
صارت حجاوي وانا مانـي محجيهـا


للشاعر عبدالله باتل الرشيدي

الموضوع الأصلي: البحر الميت أحياه عبدالله الرشيدي :) | | الكاتب: سالم الرشيدي | | المصدر: شبكة بني عبس

[عاشق الاتي]

ولاتشغلك حرمة(ن) منـت متجوزهـا
تطرد وراهـا وغيـرك يهتنـي فيهـا

ولا يفرحك شوف الارنب لو تنقزهـا
مـادام مـا شفتهـا بالنـار شاويـهـا

ولاتحسب (ن) الذهب باي يد(ن) يزها
ترى الذهب مـا يغيـر لـون اياديهـا

والنفس حاول بحـد اقصـى تعززهـا
نفس(ن) بـلا عزهـا مانـي مداريهـا

والنـاس لاتقـوم بعيونـك تخززهـا
احمد على العافيـه واسلـك مماشيهـا

ومن طاوع النفـس تشقيـه بغرايزهـا
ومن طاوع العقل يسلم مـن بلاويهـا

والمرجلـه ماتحـب اللـي يهاوزهـا
تبي لهـا واحـد(ن) دايـم يحاضيهـا

واللي عيونـه مـع الظلمـا يغمزهـا
ماحد(ن) درى عن عيونه لـو يعنيهـا

ونفيستـك وانـت فانـي لاتغزغزهـا
المقبـره بأنتظـارك وانـت ناسيـهـا

والنـاس دورات قادرهـا بعاجـزهـا
ماخلـق جنـه ونـار وزعـوا فيهـا

وناس(ن) مع الله وناس ابليس ناغزهـا
سبحان من ظل نـاس ونـاس هاديهـا

وناس(ن) تعلـت وعلتهـا مراكزهـا
وناس(ن) تبي الطيب مير الطيب فاحيها


الله ياااااالبحرررررر والله شااعر مظلووم قصيدده معرووفه يعطيك العافيــــــه سالـــم

[مو بكيفك]

شاعر من الطراز الاول لايعلى عليه اتمنى ان يصل له الاعلام لانه من المواهب المدفونه

[سالم الرشيدي]

العفو ولاشكــــــــــــــر على واجب ومشكــــــــــورين على المرور
وحايكم الله

[عقيد المدرهمات]

أنا أشهد أنه شااااااااااعر وبحر غزير وماله مثيل

مشكووووووور سالم ولا هنت يالغالي