[قسورة الغاب]

القسوره

مرحبا بالمهم ومرحبا بالجماعه = عد ماهب نسناس البراد الشمالي
يامهم الوصل ماهو سوات القطاعه = وانت حبلك تقطع مادركته الحبالي

المهم1

البقا في مظارب عبس ساس الشجاعه= بالسنين القديمه والسنين التوالي
كيف نحصل على اللي راح يومي شراعه= فوق موج البحور مضيعات الرجالي

القسوره

صار بيني وبينك بالطريق اندفاعه = كيف يمك نسوق القافله والجمالي
خلها معك في سود الليالي وداعه = لاتحسف علي ماراح لو كان غالي

المهم1

ليش ماريد شوفك وانت شوفك طماعه= انت اضنك عوضنا ببو زيد الهلالي
والزمن يكره الطيب ويلوي ذراعه = وان مشينا بكيف الوقت ياهملالي

القسوره

لو تمنيت شوفي مازبنت لخزاعه = مير قلبك علي قطع الخلا مايبالي
انت عندك خبر بطبوع شهب السباعه = والله اني مالومك لو يصيبك جفالي

المهم1

ودي اني على فرقاك معي استطاعه =واتركك مالتفتلك لو تمر بخيالي
لكن انته تحب افريقيا والمجاعه= انصحك وتعصاني يالرفيق الموالي

القسوره
]

مايداوي صوابي منك يالوقت ساعه = كل مابان نور البدر والا بدالي
المحاصيل كثرت عقبكم والزراعه = صارت التمره الوحده بعشره ريالي

المهم1

في محاصيلكم عيت تذيع الاذاعه =ليت ماتكسبون يعشي ام العيالي
المراجل ماتصنع وانت قاعد اصناعه= ولا تلذذ بحاجه لين يصلاك صالي

القسوره

اه وا راسي الي منك عجل صداعه = ليتني منك ماحذف غترتي والعقالي
والله اني مصور نص قلبك بشاعه = مير مدري وش الي بالنصيص الموالي

المهم1

خذ بنادول وامرح لاتحوس البضاعه= ودور الملح لاعفت الشراب الزلالي
قلبي اقشر مايعرف قول سمعن وطاعه= وانت قلبك يطيع ولا عليه اتكالي

الموضوع الأصلي: المهم1 & القسوره | | الكاتب: قسورة الغاب | | المصدر: شبكة بني عبس

[سعد بن عادي]

ابداع لا حدود له من المهم 1 وقسورة

صحت اللسنتكم والله

ودمتم كما تحبون

[سعد محمد]

ابداع رائع من الطرفين وصح السنتكم ولاهنتم .
وشكر ع التنسيق ...
تحياتي لكم جميعآ,,,

[قسورة الغاب]

اقتباس من مشاركة سعد بن عادي ابداع لا حدود له من المهم 1 وقسورة صحت اللسنتكم والله ودمتم كما تحبون

صح البدانك يابوووعادي
شكرا علي المروور
ولاهنت

[العالم الفلكي]

الله الله شعار كبار مافيكم حيله الله يعطيكم العافيه

صح السانك يالقسورة

صح السانك يالمهم

مشكور اخوي القسورة على التنسيق الرائع

[قسورة الغاب]

اقتباس من مشاركة ولدالرياض ابداع رائع من الطرفين وصح السنتكم ولاهنتم . وشكر ع التنسيق ... تحياتي لكم جميعآ,,,

صح ابدانك
ياولد الرياض و مشكووور
علي المروووور
لاهنت

[~:(دلال):~]

...شكرآ .....

[ناصر الخياري]

عاشو الشعاار ...