مرحبا بالمهم ومرحبا بالجماعه = عد ماهب نسناس البراد الشمالي
يامهم الوصل ماهو سوات القطاعه = وانت حبلك تقطع مادركته الحبالي

البقا في مظارب عبس ساس الشجاعه= بالسنين القديمه والسنين التوالي
كيف نحصل على اللي راح يومي شراعه= فوق موج البحور مضيعات الرجالي

صار بيني وبينك بالطريق اندفاعه = كيف يمك نسوق القافله والجمالي
خلها معك في سود الليالي وداعه = لاتحسف علي ماراح لو كان غالي

ليش ماريد شوفك وانت شوفك طماعه= انت اضنك عوضنا ببو زيد الهلالي
والزمن يكره الطيب ويلوي ذراعه = وان مشينا بكيف الوقت ياهملالي

لو تمنيت شوفي مازبنت لخزاعه = مير قلبك علي قطع الخلا مايبالي
انت عندك خبر بطبوع شهب السباعه = والله اني مالومك لو يصيبك جفالي

ودي اني على فرقاك معي استطاعه =واتركك مالتفتلك لو تمر بخيالي
لكن انته تحب افريقيا والمجاعه= انصحك وتعصاني يالرفيق الموالي

مايداوي صوابي منك يالوقت ساعه = كل مابان نور البدر والا بدالي
المحاصيل كثرت عقبكم والزراعه = صارت التمره الوحده بعشره ريالي

في محاصيلكم عيت تذيع الاذاعه =ليت ماتكسبون يعشي ام العيالي
المراجل ماتصنع وانت قاعد اصناعه= ولا تلذذ بحاجه لين يصلاك صالي

اه وا راسي الي منك عجل صداعه = ليتني منك ماحذف غترتي والعقالي
والله اني مصور نص قلبك بشاعه = مير مدري وش الي بالنصيص الموالي

خذ بنادول وامرح لاتحوس البضاعه= ودور الملح لاعفت الشراب الزلالي
قلبي اقشر مايعرف قول سمعن وطاعه= وانت قلبك يطيع ولا عليه اتكالي

اقتباس من مشاركة سعد بن عادي (المشاركة 1392724) ابداع لا حدود له من المهم 1 وقسورة صحت اللسنتكم والله ودمتم كما تحبون

اقتباس من مشاركة ولدالرياض (المشاركة 1392772) ابداع رائع من الطرفين وصح السنتكم ولاهنتم . وشكر ع التنسيق ... تحياتي لكم جميعآ,,,