[هلالي صميم]

تبلاّني بدون أمري بـذاك الحـب وادروبـه

تبلاّني وأخذ قلبي عسى الله يجبـر إنصابـي

تبلاّنـي وعلّقنـي بـذاك الـود وعـذوبـه

وإلى من غبت عنّه يوم قال إشتقت لاحبابـي

يقول أموت وأحيابك وأنا بأفكـار محسوبـه

أجل وشلون يعشقني وهو ما امْـداه يدْرابـي

قدر يحتال وأقنعنـي وزاح الشـك بإسلوبـه

طلع متمرّس الظالم بدون إحساس ضحّابـي

يقولون الذكر ظالم والأنثـى حيـل حبّوبـه

وهذا القول وهّمني وانـا النيـران تصلابـي

ألاَ يابنت وإن شفتي حروف الضيم مكتوبـه

ترى منتن سوى عندي بحسن الذوق واعجابي

أكيد أصابعك تفرق وهي بيديـك مصْحوبـه

ولكن كدّر الخاطر هذاك الشخـص نصّابـي

عزَيْته والسبب كذبه عزَيْتـه بانـت عيوبـه

عزَيْته وإن نوى يرجـع فـلا والله يحظابـي

وبذكر له ثلاث أبيات من الوجـدان مطلوبـه

كتبها بوحي الراقي ومثلـه ثـوّر أعصابـي

الموضوع الأصلي: يقول أموت وأحيابك !!! | | الكاتب: هلالي صميم | | المصدر: شبكة بني عبس

[وسام عبس]

الله يعطيك العااافيه مبدع

تحياااااااااااااااااااااااااااااااااااااتي