[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر المقدااد و الشاعر بتاال

المقدااد

يا صاحبي حاول رضى اللجنه لعلك ماتهون

وان شفت ريس لجنة التحكيم قبـل غاربـه

وخل المعاني مثل صافيت النحر نجلا العيون

اللي لازالت بالصفـوف الجامعيـه طالبـه

بتاال

ياراعي الطاروق اظنك مع هل اللجنه تمون

ويجوز ريس لجنة التحكيم رفرف شاربـه

عج الرمك لا ثار جينا دون راعية القرون

اللي عليك اتفل قرن وقرن عندي كاربـه

المقدااد

سلم الزمن ياذيب وانتم لزمن ماتجهلـون

تلميع جدران الحصون الباليات الخاربـه

بيض سنونك ثم خلك وسط بيضان السنون

ون مرك ابو زيد قل لالا ذلولك هاربـه

بتاال

الما يهل من السما لا حن رعاد المـزون

يغسل صحاصيح الرياض الممحلات التاربه

يضحك حجاجي وانت يالمقداد تفهم بالفنون

هاك استلم جيش الوغا والحر صيته طاربه

المقدااد

انته يابتال المكرم فيك نوع من الجنـون

وامرار اشك انك ماتعرق بالعربه العاربه

كريم لكنك جلست بوسط قومن يبخلـون

واثر عليك اللي يوضح للبشـر تجاربـه

بتاال

نكسر عليك الكور وانته تزبن بوسط الحصـون

الحصن حصنـن للنجاشـي حـط فيـه اقاربـه

حط اصبعك بذنك و لا تسمع صدى صوت اللحون

ياراعـي الملحـا تـرا بتـاال قـوه ظـاربـه

المقدااد

با كر على الكرسي تجاوب كل لك مايسئلون

يطالبونك وانت ماتقـدر بشخـص اتطالبـه

ماينفعك هرجك لونك قلت لـي مايفهمـون

مدام يـا بتـال صـرت بديـرة المتحاربـه

بتاال

احقق اهدافي وركبك درجه بالهون هـون

من هازني ياباشة الحته ترانـي صالبـه

المشكله جرح المشاعر قافيه بوح الشجون

الرمح في مفصل عظامك داميه مظاربـه

المقدااد

اللي رضى بالهون حتى لو ربوعه يزعلون

شرهة بني عمـه يقالبهـا وهـي اتقالبـه

ياذيب لوصوت عقيد القوم له مايسمعـون

هلة دموعه بين ربعه يـوم حملـه مالبـه

بتاال

ارخيت انا خيط الرسن والخيط جاك بكل لون

ميرادك لعد الـروى والوقـت ذي عقاربـه

الهرجه الشينه تهز اجذور قلبك والغصـون

والكارثه في فمك سم الـداب مـع عقاربـه

المقدااد

هالليل ابا اقهويك يا بتال واعطيك الدخون

واناس تعرف قادها بتـال والا صاحبـه

مقسم بربي مانويتك يارفيقـي بالطعـون

مير انت يالاجنب تسوي مشيت المتجانبه

بتاال

قدعت من تمرتك فذه وانت شاعر يالحنون

راعي البواخر ساقها وانت انسدح في قاربه

ادري مروعك الهدير وقمت ترمش بالجفون

هذا بعيري كان هاج ان طعتنـي لاتقاربـه

وسلامتكم وصح الله السنتهم شعار مافيهم حيله

الموضوع الأصلي: محاورة بين الشاعر المقدااد والشاعر بتاال | | الكاتب: العالم الفلكي | | المصدر: شبكة بني عبس

[سعد الشقل]

الله الله صح اللسان الشاعرين الكبيرين ./.

بتال والمقداد محاوره جزله

والله يعطيكـ العافيهـ يالعالم الفلكي على التنسيق الجميل ..//

[العالم الفلكي]

اقتباس من مشاركة سعد الشقل الله الله صح اللسان الشاعرين الكبيرين ./. بتال والمقداد محاوره جزله والله يعطيكـ العافيهـ يالعالم الفلكي على التنسيق الجميل ..//

يعافيك ربي يامشرفنا الغالي

[بتاال]

شكرا لك يالفلكي على التنسيق الجيد



مشكووووووووووووووووووووووووووووووووووور


تحياتي بتاال

[العالم الفلكي]

اقتباس من مشاركة بتاال شكرا لك يالفلكي على التنسيق الجيد مشكووووووووووووووووووووووووووووووووووور تحياتي بتاال

مشكور على المرور والتعليق

تحاتي العالم الفلكي