[ادري طيبتي غلطه]

[GRADE="00008B FF6347 008000 4B0082"]
قرأت هذه القصيدة وعجبتني ..فحبيت انقلكم هي ...

إذا المراجل .. لبسَـة شمـاغ وعقـال
قـل للعـذاري يلبـسـن العمـايـم

ما عاد يفـرق زول حرمـه ورجـال
دام الفعايـل تشبـه البعـض دايـم

المرجلـه مـا هيـب كلمـة وتـنـقـال
وتروح ما راحـت هبـوب النسايـم

وإلا خشونة صوت أو رفـع الأثقـال
أو رزة صـدور وفـعـل الـزلايـم

ولا هي بعد مفتـاح موتـر وجـوال
وإلا ردي لسـانٍ حديـثـه شتـايـم

المرجله شيمه عـن القيـل والقـال
رفيـع نفـسٍ حـر بالجـو حـايـم

المرجلـه عقـلٍ وزن وزنـه جبـال
ودون العقـل وش فرقـنـا والبهايـم

يا مسندي لو مايل الوقت بـي مـال
يا ولـد أبوي يـا عظيـم العزايـم

يا معرب الجدين مـن العـم والخـال
يا نخـوة المفـزوع وقـت الهزايـم

المرجله يا خوي هـي طولـة البـال
هي العـزم هـي الصبـر فالظلايـم

فيهـا الكـرم عِـزه دلّـه وفنجـال
فيها الكرامه عن ردي الطبـع شايـم

والدين لامنـه خـذا القلـب منـزال
مشى طريق الحـق وإبليـس نايـم

ومن لا عرف ربه في طيـب الحـال
لابـد وقـت الضيـق بالهـم هايـم

حتى صلاتك مـع جماعـات ورجـال
في خيرها يـا خـوي نعـم الغـنايـم

ولامن نصف ليلك قم صفـي البـال
يا عظم أجـرك بـيـن ساجـد وقايـم

ولا من رفع ربي لـه كـل الأعمـال
حسن الذكـر لا قالـوا فـلان صايـم

وخَـلك شريف القصد ياطيـب الفـال
سـوء المقاصـد فالبيـوت الهدايـم

واحذر تبـيـع النفس فـي دَب الأنـذال
وتـتـبـع خـوي إبليـس راعي النمايـم

النفس خيـل لـك إذا كنـت خيّـال
ومن لا قوى نفسـه قـوَتـه الهزايـم

ولا صرت ما تدري لـ وِش أنت رجال ؟؟
والله خسـارة فيـك ذبـح التمـايـم

اتمنى ما اكون طولت عليكم ...


[/GRADE]

الموضوع الأصلي: قل للعذارى يلبسن العمايم | | الكاتب: ادري طيبتي غلطه | | المصدر: شبكة بني عبس

[العريض]

ادري طيبتي غلطه
يعطيك العافيه على النقل الرائع
دمتي بحفظ الرحمن .

[بقايــا إنســان]

ادري طيبتي غلطة القصيدة اكثر بكثير من رائعة وتتناول قضية مهمه

....

شكرا

[ادري طيبتي غلطه]

اقتباس من مشاركة حجاج العريض ادري طيبتي غلطه يعطيك العافيه على النقل الرائع دمتي بحفظ الرحمن .

الله يعااافيك اخوي حجاج
ومشكووور على مرووورك

الله يحفظك

[ادري طيبتي غلطه]

اقتباس من مشاركة بقايــا إنســان ادري طيبتي غلطة القصيدة اكثر بكثير من رائعة وتتناول قضية مهمه .... شكرا

هلابك اخووي بقايا انسان

وتواجدك كان الاروووووع

مشكووور على مرورك

[الشبح القرادي]

مشكوووووووووره ولاهنتي اختي العزيزه اختيار موفق بكل ماتعنيه هذه الكلمه من معنى وينم عن ذائقه شعريه مميزه

[صقر المشعلي]

الأخت ادري طيبتي غلطه
بارك الله فيكي وختيار موفق وعسى الجميع يتعض من الحكمه
تقبلي مروري مع التحيه

[ادري طيبتي غلطه]

هلابك اخووي صقر

والله يبارك فيك ويبقيك

ومرووورك يسعدني ولي الشرف بتواجدك