[سعد الشقل]

عبدالباري

بعـد غيبـه قصيره.عـن وجيـه الرفاقـه=ياسلامـي علـى اللـي معـذر ٍ بالذخـيـره
كل مـا صـار لريـاح الهبـوب اصطفاقـه=سلم الامر لعيون العنود الصغيره

العمده

مرحبا في عميل ٍ سعد عيني فراقه=ماورى شوفتك غير البلا و الكبيره
لاتذم الرفق اللي على عظم ساقـه=كل ماجت مغيره قام صد المغيـره

عبدالباري

البقاء بالرفيق اللي مجيه شفاقـه=كل ماشافني شبت لاهايب ضميـره
مانذمك لو اعظامك قصار ودقاقـه=ترتكي عند الاولى. تبتلش بالاخيره

العمده

كيف اجيلي عميل ٍ عمني في نفاقـه=يوم حللت قولـه لاعلومـه خطيـره
وش بقا من مذمه وش بقا من حماقه=مابقا غير سيفك تسحبه من جفيـره

عبدالباري

كان مامعك يالعمدة جواز وبطاقـه=اعتذر مثل هذا العذر وانقول خيره
ودي اعطيك من عطر العناقيد باقه=قبل لاتستديربك الرحا المستديـره

العمده

انــت ودك تــذوق الـلـي نـذوقـه ذواقـــه=مارحظـك ربــض بـيـن النـضـد والحضـيـره
خـل عطـرك ليـا جالـك مــن الـوقـت فـاقـه=وروحه خشم ابو خالد وقله بريره

عبدالباري

الـخـدر قــام يلـفـح بالـمـقـادم رواقـــه=والهماليـل سـاقـت مــن قـنـوف النـديـره
لاتحـد الجمـل ويعـض فــي عـضـد نـاقـه=اقشر الناس من يرغي بوجهه بعيره

العمده

الخدر عندكم ياهل العلـوم الرقاقـه=نوب وسطه نوار ونوب وسطه منيره
يوم عبد العزيز العام سـرح نياقـه=اعقبه للعرب طرقـي وذب تعميـره

عبدالباري

ول بيت ٍ عيابه ما فتـح فيـه طاقـه=اسسه صاحبه من دون رأي وبصيره
ماخبر من حياتي ..معك وصل وعلاقه=الظلايم تورد كـل اهلهـا السعيـره

العمده

استلم وسموحه وانت مانتـه بعاقـه=تعرف المزح يحدى للامور العسيره
كل ماقلت مزح اخبـرك باخرغلاقـه=كيف اعرفك وانا في دار وانته بديره

الموضوع الأصلي: عبدالباري × العمده | | الكاتب: سعد الشقل | | المصدر: شبكة بني عبس

[سعد المظيبري]

بيض الله وجهك علي النقل الرائع <<< ومحاوره رائعه بين الطرفين <<< ولا هنت يا سمي علي النقل

اخوك سعد المظيبري

[ناصر خنيفر]

سعد الشقل بيض الله وجهك على التنسيق والجهد والعلم الطيب ليس غريب منك

[نــوآف الــعــويــمــري]

بيض الله وجهك

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي