بعـد غيبـه قصيره.عـن وجيـه الرفاقـه=ياسلامـي علـى اللـي معـذر ٍ بالذخـيـره
كل مـا صـار لريـاح الهبـوب اصطفاقـه=سلم الامر لعيون العنود الصغيره

مرحبا في عميل ٍ سعد عيني فراقه=ماورى شوفتك غير البلا و الكبيره
لاتذم الرفق اللي على عظم ساقـه=كل ماجت مغيره قام صد المغيـره

البقاء بالرفيق اللي مجيه شفاقـه=كل ماشافني شبت لاهايب ضميـره
مانذمك لو اعظامك قصار ودقاقـه=ترتكي عند الاولى. تبتلش بالاخيره

كيف اجيلي عميل ٍ عمني في نفاقـه=يوم حللت قولـه لاعلومـه خطيـره
وش بقا من مذمه وش بقا من حماقه=مابقا غير سيفك تسحبه من جفيـره

كان مامعك يالعمدة جواز وبطاقـه=اعتذر مثل هذا العذر وانقول خيره
ودي اعطيك من عطر العناقيد باقه=قبل لاتستديربك الرحا المستديـره

انــت ودك تــذوق الـلـي نـذوقـه ذواقـــه=مارحظـك ربــض بـيـن النـضـد والحضـيـره
خـل عطـرك ليـا جالـك مــن الـوقـت فـاقـه=وروحه خشم ابو خالد وقله بريره

الـخـدر قــام يلـفـح بالـمـقـادم رواقـــه=والهماليـل سـاقـت مــن قـنـوف النـديـره
لاتحـد الجمـل ويعـض فــي عـضـد نـاقـه=اقشر الناس من يرغي بوجهه بعيره

الخدر عندكم ياهل العلـوم الرقاقـه=نوب وسطه نوار ونوب وسطه منيره
يوم عبد العزيز العام سـرح نياقـه=اعقبه للعرب طرقـي وذب تعميـره

ول بيت ٍ عيابه ما فتـح فيـه طاقـه=اسسه صاحبه من دون رأي وبصيره
ماخبر من حياتي ..معك وصل وعلاقه=الظلايم تورد كـل اهلهـا السعيـره

استلم وسموحه وانت مانتـه بعاقـه=تعرف المزح يحدى للامور العسيره
كل ماقلت مزح اخبـرك باخرغلاقـه=كيف اعرفك وانا في دار وانته بديره