[عبد الرحمن خضير]

حامد الثبيتي





ياسـلام الله بـرده ولوفيهـا كـلام
الخطر جاء من وراها وجاء من دونها
يامعزبنـا تولـم وعيـنـك لاتـنـام
العوايد والسلـوم اختـلاف قانونهـا



عبدالرحمن خضير




مرحبا ترحبيتن عكس مفهوم المرام
لين روس الثبيت بكره تطيح جنونها
يالموذن لو توذن ماقدمـك الامـام
يمكن ركون الصلـوات ما تقرونهـا



حامد الثبيتي




والله انك لوتبريت يلحقـك المـلام
اعرف رموز الرساله قبل مضمونها
ياكبرها يالرشيدي تورخ كل عـام
ليت مدت صاحبي منها ماعونهـا



عبدالرحمن خضير




الملامه مالها درب في بيت الكـرام
لو تلومنا العـرب شايفـه بعيونهـا
انت جبت اعلوم منكم وفيكم بالتمـام
والوضيحيه على الماء تشوف قرونها



حامد الثبيتي




الكرام خله للاجواد والناس الحشام
والحمامه حطت الرزاد في حنحونها
والله ان النار تشتب لاشتد الحـزام
ومن يقابلنا حياته تزيـد غبونهـا



عبدالرحمن خضير




التفاهم صعب لاصار برق الخير شام
كل كلمه عابره صار شوونك شونها
اليهودي ماهو عارف حلال من حرام
سنة محمد يحـاول يهـد ركونهـا



حامد الثبيتي




التفاهم صعب من بعد ماختل النظام
والتهرب مايفيـدك ولونـك لونهـا
ياعتيبه عزوتي حام طير الموت حام
والقضيه باقيه والعـرب يطرونهـا

الموضوع الأصلي: محاوة حامد الثبيتى عبدالرحمن خضير | | الكاتب: عبد الرحمن خضير | | المصدر: شبكة بني عبس

[سعد الشقل]

صح اللسانكـ يابو متعب وصح اللسان الثبيتي على المحاورة الرائعه

والى الامام يابو متعب ..//

[صدى الاهات]

صح اللسانكـ يابو متعب وصح اللسان الثبيتي على المحاورة الرائعه

والى الامام يابو متعب ..//

[سايق الدنا]

صح لسان الرشيدى والثبيتى

تقبل مرور سايق الدنا

[المغرم اليائس]

امتعني هذا الطرح
.
.

على القوة ياأخوان

[وردة الكويت]

ابومتعب تسلم يدك على النقل


انت جبت اعلوم منكم وفيكم بالتمـام
والوضيحيه على الماء تشوف قرونها

ههههههههههههههههههههههههه


بيت قوي اعجبني وحفظته ,,,,,,,,,,,,,,,

بيض الله وجهك..............

تحياتي لك والى الأمام

[ولد الهيلا]

صح لسان الرشيدى والثبيتى


محاوره جميله


تقبلوا مروري

[عبد الرحمن خضير]

اقتباس من مشاركة سعد الشقل صح اللسانكـ يابو متعب وصح اللسان الثبيتي على المحاورة الرائعه والى الامام يابو متعب ..//

	شكراً لك اخي الكريم على مرورك اكثرمن الرايع وتقبل تحياتي اخوك ابومتعب