[سعد الشقل]

غازي

صبـو الدلـه علـى متعبـيـن الخـيـل=يــوم لامـدفـع ولا بــارض دبـابــه
الوطن في خير والسيل باثر السيل=نحمـدالله ندخـل الطيـب مــع بـابـه

العمده

اشكرك مابدى صبحن وزاح الليل=ياعزيز النبـا ياطيـب الجابـه
اي الوطان تقصد ياشبيه سهيل=وضح العلم ليـه قبـل نبدابـه

غازي

مرحبـا والبقـى وادن الجمـل للشيـل=مـجـد اهلـنـا تــراي الـيــوم طـلابــه
موطن العز واطيب ناس في هالجيل=الخليـج احفـظ الله صفـوة اصحـابـه

العمده

الجمل للحمل حاظر بقوت حيل=ومجد اهلنا صعيب الوقت ولابه
لا ترجا زمانن فات ياحلحيـل=يوم وقت الضعن والرجم ترقابه

غازي

من بنا القاهره باطراف نهـر النيـل=غد مشرق وماضي يحسب احسابه
ليه مرجي وأنا هاوي زها التجميل=يــوم كــل ٍ هــواه مـداعـب احبـابـه

العمده

انت اضنك سياسي والخبر تمثيل=مصر واهله وش اللي لنا جابه
هات ماتريد واضح مابي تاجيل=خـط ماهـو مهـد لاتمشابـه

غازي

مـال حمـل البعيـر ولاتبيـه ايمـيـل=والمعـانـي لـهـا بالـسـوق جـلابـه
صاحب الفيل جاك بجوخته والفيل=مير جنب عنه وانحش عن اترابـه

العمده

حجر المخ لاتكثر بقول وقيل=مايفيد الكلام اشر بسبابـه
اوتحاول تعدل بخط الريـل=راسي اليوم يبغاله عصابه

غازي

مايفيـد الكبـر لاعـلاج لاتحلـيـل=من كبـر حـط حاجونـه وطنابـه
لـو ابـا عدلـك ماينفـع التعـديـل=وش يسو البعير أليا نكسر نابه

العمده

الكبر مايعيب وياصلك ياشعيـل=لو تعليت بالعالي من هضابـه
اختم الوضع ابا نظر لزمل عقيل=ابو خالد علينا يفتـل اشنابـه

الموضوع الأصلي: غازي × العمده | | الكاتب: سعد الشقل | | المصدر: شبكة بني عبس

[مبارك الشويلع]

السلام عليكم


بيض الله وجهك يامشرفنا الغالي

سعد الشقل

على هذا التنسيق الطيب

وصح لسان الشعااار

ولاهنتو جميــــــــع

[ناصر خنيفر]

سعد الشقل شكرا والله لايهينك على هذا التنسيق

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي