صبـو الدلـه علـى متعبـيـن الخـيـل=يــوم لامـدفـع ولا بــارض دبـابــه
الوطن في خير والسيل باثر السيل=نحمـدالله ندخـل الطيـب مــع بـابـه

اشكرك مابدى صبحن وزاح الليل=ياعزيز النبـا ياطيـب الجابـه
اي الوطان تقصد ياشبيه سهيل=وضح العلم ليـه قبـل نبدابـه

مرحبـا والبقـى وادن الجمـل للشيـل=مـجـد اهلـنـا تــراي الـيــوم طـلابــه
موطن العز واطيب ناس في هالجيل=الخليـج احفـظ الله صفـوة اصحـابـه

الجمل للحمل حاظر بقوت حيل=ومجد اهلنا صعيب الوقت ولابه
لا ترجا زمانن فات ياحلحيـل=يوم وقت الضعن والرجم ترقابه

من بنا القاهره باطراف نهـر النيـل=غد مشرق وماضي يحسب احسابه
ليه مرجي وأنا هاوي زها التجميل=يــوم كــل ٍ هــواه مـداعـب احبـابـه

انت اضنك سياسي والخبر تمثيل=مصر واهله وش اللي لنا جابه
هات ماتريد واضح مابي تاجيل=خـط ماهـو مهـد لاتمشابـه

مـال حمـل البعيـر ولاتبيـه ايمـيـل=والمعـانـي لـهـا بالـسـوق جـلابـه
صاحب الفيل جاك بجوخته والفيل=مير جنب عنه وانحش عن اترابـه

حجر المخ لاتكثر بقول وقيل=مايفيد الكلام اشر بسبابـه
اوتحاول تعدل بخط الريـل=راسي اليوم يبغاله عصابه

مايفيـد الكبـر لاعـلاج لاتحلـيـل=من كبـر حـط حاجونـه وطنابـه
لـو ابـا عدلـك ماينفـع التعـديـل=وش يسو البعير أليا نكسر نابه

الكبر مايعيب وياصلك ياشعيـل=لو تعليت بالعالي من هضابـه
اختم الوضع ابا نظر لزمل عقيل=ابو خالد علينا يفتـل اشنابـه