[صعلوك]

السلام عليكم جميعا ، وهذا الموضوع ما يحله غير ناصر خنيفر
والهقوه فيه كبيره ،

الطيب بين في وجيه الطاطيح = والا الردي من كل خير امحرومي
ناس تعيش الذل من دون تصريح = تطرب على النمه وحذف السهومي
شرابة الذلة وشرابة القيح = مثل الزخم في كاسيات اللحومي
جنس(ن) مع العالم ومحتاج تصحيح = حتى يميز فالقمر والنجومي
وانا احمد الله ما طردت المشافيح = ولا لي مع وجيه الفقارى لزومي
انصى الذي في مجلسه هبة الريح = ناصر خنيفر ذخر كل القرومي
سلام تسليم(ن) كما نفحة الشيح = يا صل مقامك يا قوي العزومي
يابو خنيفر وضعنا صاير(ن) ميح = وأنت الذي تعرف طباع وسلومي
لا صار طيرك ما يعرف الملاويح = يجفل ليا من شاف نسر(ن) يحومي
خله وزانك لا يكثر مراويح = ولا تتعبه في عاليات الرجومي
ما يتعب الرجلين كثر المساريح = ونفسي تعشق الكايدات وترومي
ولا تنقص الكيله بوسط المفاويح = وراسي يشم من الهواء كل يومي
نفسي معليها ولا يمكن أتطيح = (( ومن لا تعلم ما تسر العلومي ))
هذا كلامي ما يبي زود تشريح = واقبل تحياتي وخيرك يدومي

( شاعر الصعاليك )

الموضوع الأصلي: ناصر خنيفر ( العمدة ) للأهمية ..!! | | الكاتب: صعلوك | | المصدر: شبكة بني عبس

[(بحرالكرم)]

صح الساااااااانك ............... ومن نخاابو تركي مخااب